ԱՌԱՎՈՏ. Կոալիցիայի հուշագրից հետեւություն կանեն

 «Ժառանգություն» կուսակցության խորհրդարանական խմբակցության ղեկավար Ստեփան Սաֆարյանը անդրադառնալով ՀՅԴ-ի` ընտրական իրավունքի պաշտպանության հասարակական շարժում սկսելու նախաձեռնությանը, «Ազատություն» ռ/կ-ի հետ զրույցում կարծիք է հայտնել, թե` ընդդիմադիր ուժերը պետք է մի կողմ դնեն անցյալի բաժանարար հարցերը եւ ճշգրիտ գիտակցեն, թե ինչ հայտարարություն են արել իշխանությունները կոալիցիոն նոր հուշագրով:

Նրա համոզմամբ` անհրաժեշտ է ստեղծել ընդդիմադիր գործընկերություն, որի նպատակը պետք է լինի թույլ չտալ իշխանություններին իրականացնել կոալիցիոն հուշագրում ամրագրված նապտակները, այսինքն` իշխանության վերարտադրությունը:

Ընդդիմադիր դաշտը, սակայն, համախմբման նշաններ ցույց չի տալիս, ավելին հիշում է դիմացինի հին մեղքերը: