"Սթարը" վաճառվեց

«Սթար Դիվայդ» ՓԲԸ-ի նոր բաժնետեր է դառնալու Viest Assets Ltd-ն, որը գրանցված է Բրիտանական Վիրջինյան կղզիներում: Բանակցությունները «Սթար» առևտրային ցանցի ներկայիս բաժնետերերի հետ արդեն ավարտված են:

Բաժնետերերի փոփոխման արդյունքում փոփոխություններ չեն լինի «Սթար»-ի ղեկավար անձնակազմում: Անփոփոխ կմնան նաեւ նախկինում ընկերության կողմից կազմված զարգացման և ընդլայնման ծրագրերը. 2011 թ. «Սթարը» Երևանում և մոտակա քաղաքներում կբացի ևս 12 խանութ:

Իրավաբանական ձևակերպումները կավարտվեն 1 ամսվա ընթացքում:

Մոտ ժամանակներս ընկերությունը կհրավիրի մամուլի ասուլիս, որի ընթացքում կհրապարակվեն գործարքի մանրամասները և ընկերության զարգացման ծրագրերը. գրված է «Սթար» ընկերության հաղորդագրության մեջ: