Կարմիր քարտ` իշխանություններին

«Մենք այսօր ուզում ենք կարմիր քարտ ցույց տալ այն բոլոր սրիկայություններին, որոնք տեղի են ունենում երկու դաշտերում: Էլ չենք նայում` իշխանությո՞ւն ես, թե՞ ընդդիմություն, անարդա՞ր ես` կարմիր քարտ քեզ»,- ԺԿ երիտասարդական համագումարից առաջ լրագրողների հետ ճեպազրույցում հայտարարեց Ժողովրդական կուսակցության նախագահ Տիգրան Կարապետյանը:

«Մի տեղ աբիժնիկներն են, մի տեղ` բիրտ իշխանավորները, բայց Հայաստանն էքսպերիմենտների համար չէ, հայ մարդը հալածանքի համար չէ»,- հավելեց նա` ընդգծելով, որ այսօր երիտասարդական քաղաքականությունը շատ թերի է. երեխան դպրոցից գնում է բանակ, բանակից գալիս է` ո'չ արհեստ ունի, ո'չ ուսում, ո'չ աշխատատեղ:

Այդ պատճառով ԺԿ-ն որոշել է ավելի շատ ուշադրություն դարձնել երիտասարդներին, արծարծել նրանց խնդիրները, որի հիմքն էլ կդրվի համագումարում: