Մեկ գայլի համար` 100 հազար դրամ

Հայաստանի տարածքում գայլերի թվաքանակի շեշտակի աճ է նկատվում:

Կառավարությունն այսօր հաստատել է գայլերի թվաքանակի կարգավորման և այդ ուղղությամբ միջոցառումների իրականացման կարգը: Սահմանվել է ոչնչացված գայլերի դիմաց պարգեւատրման չափը` յուրաքանչյուր գայլի համար 100 հազար դրամ:

Այդ նպատակով գումար է հատկացվել նաեւ ՀՀ բնապահպանության նախարարությանը:

Պարգեւավճարը ստանալու համար անհրաժեշտ է գայլի մորթին անձամբ ներկայացնել բնապահպանության նախարարությունում հատուկ այդ նպատակով ստեղծված հանձնաժողովին:

Ըստ վարչապետ Տիգրան Սարգսյանի` Լեռնային Ղարաբաղում համանման որոշում ընդունելուց հետո կարճ ժամկետում կանխվել է գայլերի թվաքանակի կտրուկ աճը։