2022-ի Մունդիալը կկայանա ամռանը

ՖԻՖԱ-ի նախագահ Յոզեֆ Բլատերն ասել է, որ 2022-ի աշխարհի առաջնությունը, հավանական է, որ կանցկացվի ամռանը, այլ ոչ թե ձմռանը, ինչպես առաջարկում էին ֆուտբոլային շատ մասնագետներ: «2022թ-ի աշխարհի առաջնության անցկացման ժամկետների հարցը հետաձգված է: Ամեն ինչ տանում է նրան , որ մրցաշարը կկայանա ամռանը Սկզբում Ֆրանց Բեկենբաուերն ասաց, թե մենք Մունդիալը պետք է ձմռանն անցկացնենք, հետո Միշել Պլատինին և ՖԻՖԱ-ի պրոֆեսիոնալ ֆուտբոլիստների միությունը ելույթ ունեցավ: Փաստաթղթերում նշված է, որ գործկոմն իրրավասու է որոշակի փոփոխություններ կատարել, սակայն մրցաշարի անցկացման ժամկետի նախաձեռնությունը պետք է Քաթարից լինի»,- Բլատերին մեջբերում է «ВВС»-ն:

Հիշեցնենք, որ Քաթարը գտնվում է կլիմայական ջերմ գոտում և առաջարկները, որոնք ներկայացնում է վերջինս, պայմանավորված է այս հանգամանքով, նաև ասիական այս պետությունն ունի քաղցրահամ ջրի խնդիր: