Ազատվեք դեպրեսիայից վիրաբուժական ճանապարհով

Բրիտանացի բժիշկները հայտնաբերել են, որ ընկճախտը` դեպրեսիան, բուժվում է ոչ միայն հիպնոսով ու դեղահաբերով, այլ նաեւ վիրաբուժական ճանապարհով: 62-ամյա բրիտանուհի Շեյլա Կուկն այդպես է ազատվել իրեն 10 տարի շարունակ տանջող դեպրեսիայից. տեղեկացնում է ռուսաստանյան «Նովոստի» գործակալությունը:

Շեյլային չեն օգնել ո ՜չ դեղամիջոցները, ո ՜չ բնակության վայրը փոխելը, ո ՜չ էլ այլ մեթոդներ: Ի վերջո, նրան առաջարկել են իրականացնել ուղեղի խորը խթանում, որի ընթացքում նեյրովիրաբույժներն անմիջականորեն ազդում են գլխուղեղի այն հատվածների վրա, որոնք պայմանավորում են դեպրեսիոն երեւույթները: Վիրահատության արդյունքը գերազանցել է բոլոր սպասումները. 2 շաբաթ անց կինը լիակատար վայելում էր կյանքը: