Ինչ են ավետում հեռախոսազանգերը

Եթե ԱՊՊԱ-ն իսկապես սոցիալական ծրագիր է, ապա սահմանված 50.000 դրամ տուգանքը նույնպես սոցիալական ուղղվածություն ունի՞:

Այսօր լրագրողների հետ հանդիպմանը իր հռետորական հարցն է բարձրաձայնել ավտովարորդների իրավունքների պաշտպանության «Աքիլլես» կենտրոնի նախագահ Էդուարդ Հովհաննիսյանը: Ըստ բանախոսի, լրատվության միջոցներն իրենց ուշադրությունը սեւեռում են ապահովագրական պոլիսների վաճառքի վրա` անտեսելով ԱՊՊԱ-յի հետ կապված տեղեկատվության տրամադրումը: Վերջինիս հավաստմամբ` կազմակերպության ստացած բազմաթիվ զանգերը վկայում են վարորդների շրջանում ԱՊՊԱ ոլորտի վերաբերյալ տարրական գիտելիքների բացակայության մասին:

ԵՐԿԻՐ-ի հետ զրույցում «Նաիրի» եւ «Ռեսո» ապահովագրական ընկերությունների գործադիր տնօրենները մերժեցին հանգամանքը, որ վարորդները լավ իրազեկված չեն: Ավելին, տնօրենների պնդմամբ` վարորդներն անգամ այնպիսի մանրամասների են տիրապետում, որոնք այնքան էլ կարեւոր չեն: