Հանրակրթական ծրագրերը 2011-ին կրճատվելու են

Այսօր, մամլո ասուլիսի ժամանակ Կրթության եւ գիտության նախարար Արմեն Աշոտյանը տեղեկացրեց, որ 2011-ին հանրակրթական ծրագրերի վերանայում է լինելու: Մինչեւ օգոստոս նախատեսվում է Եվրոպայի խորհրդի աջակցությամբ 15-20 տոկոսով բեռնաթափել միջին դպրոցի ուսումնական ծրագրերը,ինչը հնարավորություն կտա հանրակրթական ծրագրերը մատչելի դարձնել աշակերտների համար: Սա ենթադրում է, որ որոշ` ոչ այդքան կարեւոր ու բարդ թեմաներ կհանվեն  դպրոցական ծրագրից: Այս ծրագիրը, ըստ նախարարի, իրականացվում է հենց միջին դպրոցում այն պատճառով, որ այս տարի միջին դպրոցի  դասագրքերի մրցույթներն են:

Նախարարը անդրադարձավ նաեւ  դասագրքերի մրցույթի կարգին` ասելով, որ նոր մեխանիզմը իրեն արդարացրել է, դժգոհություններ չկան եւ իրենք հնարավորինս ուշադիր են լինելու գործընթացի անշեղ ընթացքն ապահովելու գործում: