«Դոմոդեդովոյում» խառնաշփոթ է

Մոսկովյան «Դոմոդեդովո» օդանավակայանի ղեկավարությունը դեռեւս չի կարողանում լուծել մեծաթիվ թռիչքների դադարեցման խնդիրը, որի պատճառը հոսանքի մատակարարման թերացումներն են:

Ինչպես գրում է «Ինտեռֆաքսը», «Դոմոդեդովոյում» իրենց թռիչքի հետաձգման պատճառով մեծաթիվ մարդիկ են հավաքվել եւ չեն կարողանում որեւէ ինֆորմացիա ստանալ այն մասին, թե վերջապես երբ կկարողանան մեկնել:

Ավիաընկերությունները մեղադրում են օդանավակայանի ղեկավարությանը` թռիչքներն իրականցնել չկարողանալու համար:

Մասնավորապես` «Բրիտանական ավիաուղիների» ներկայացուցիչը հայտնել է, թե Մոսկվա-Լոնդոն BA-873 ինքնաթիռը պատրաստ է թռիչքին դեռեւս երկուշաբթի օրվանից, սակայն թռիչքը հետաձգվում է, քանի որ համապատասխան ծառայությունները պատրաստ չեն ապահովել ինքնաթիռի բեռնավորմանը, ուղեւորների թռիչքը եւ վայրէջքը: