Ստոկհոլմը մի քանի ժամ վախ է ապրել

Շվեդական իշխանությունները հինգշաբթի երեկոյան 8:30-ի սահմաններում ահազանգ են ստացել մետրոյում գտնվող կասկածելի փաթեթի մասին: Ահազանգից հետո իշխանությունները էվակուացրել են կենտրոնական Ստոկհոլմի մետրոյի կայանը:

«Կունգստրաթսգորդեն կայանը ամբողջովին էվակուացվել է, գնբացքները չեն աշխատում և սակրավորները ներսում են»,- տեղեկացրել է Ստոկհոլմի ոստիկանության մամլո քարտուղարը:

Երբ կայանը ամբողջովին էվակուացվել է, մասնագետները ուսումնասիրել են փաթեթի միջի սարքը և պարզել, որ այն անվնաս է, և կայանը նորից բացվել է:

«Այն պայթուցիկներ չէր պարունակում, բայց ակնհայտորեն այնպես էր պատրաստված, որպեսզի ռումբի նմանվեր: Երևի սա ինչ որ դաժան կատակ է»,- ասել է ոստիկանության աշխատակիցը:

Հիշեցնենք, որ երկու շաբաթ առաջ Ստոկհոլմում, ճիշտ է չհաջողված, բայց առաջին ահաբեկչական ակտն էր տեղի ունեցել, որի արդյունքում մահացել էր մահապարտ ահաբեկիչը, իսկ երկու հոգի վնասվել էին: