Սերժ ՍԱՐԳՍՅԱՆ. Քաղաքապետի վարքագիծն անընդունելի է եւ անհանդուրժելի

ՀՀ նախագահի մամուլի խոսնակ Արմեն Արզումանյանը հաստատել է այն լուրերը, որ Երեւանի քաղաքապետ Գագիկ Բեգլարյանի եւ Սերժ Սարգսյանի արարողակարգի բաժնի աշխատակից Արամ Կանդայանի միջեւ խնդիրներ են ծագել։

«Այո, ցավոք, միջադեպ տեղի ունեցել է: Իհարկե, մեր մամուլը դեպքերի իր նկարագրության մեջ դրանք չափազանցրել է։ Մասնավորապես, չի եղել ոչ առեւանգում, ոչ էլ դաժան ծեծ: Բայց այդպիսի դեպք, իսկապես, տեղի ունեցել է»,- ասել է Արզումանյանը։

«ՀՀ նախագահը բազմիցս արտահայտել է իր հստակ դիրքորոշումը նմանօրինակ արարքների վերաբերյալ: Այդպիսի վարքագիծն անընդունելի է եւ անհանդուրժելի: Իսկ պետական պաշտոնյայի դեպքում` առավել եւս»,- ասել է Արզումանյանը: