24 մլն դոլար` Հայաստանում էլեկտրոնային հասարակության և նորարարության զարգացմանը

Համաշխարհային բանկի Գործադիր տնօրենների խորհուրդը նախօրեին հաստատել է «Էլեկտրոնային հասարակություն և նորարարություն հանուն մրցունակության» վարկային ծրագիրը` 24 մլն դոլարի չափով: Համաշխարհային բանկի երևանայան գրասենյակից հայտնում են, որ այս խիստ նորարարական ծրագիրը կաջակցի Հայաստանի կառավարության`մրցունակ էլեկտրոնային հասարակության և ձեռնարկությունների համար նորարարության սահմանափակումների խնդրի լուծմանն ուղղված ընթացիկ ջանքերին` ամրապնդելով ենթակառուցվածքներն ու նպաստավոր միջավայրը:

Այն օժանդակում է քաղաքացիների, ձեռնարկությունների և պետական հաստատությունների համար լայնաշերտ ինտերնետային կապի մատչելի ծառայություններից օգտվելու հնարավորության ավելացմանը (ազգային ինտերնետային լայնաշերտ հիմնացանցի և կառավարական ցանցի ստեղծման միջոցով), քաղաքացիներին և ձեռնարկություններին էլեկտրոնային գործարքների իսկությունը ստուգելու գործիքով ապահովմանը («Թվային քաղաքացի» ծրագիր) և քաղաքացիների համար մատչելի համակարգիչների, ինչպես նաև էլեկտրոնային ծառայությունների հասանելիության բարձրացմանն («Համակարգիչ բոլորի համար» ծրագիր) ուղղված միջոցառումներին:

Իսկ իրականում ինչպե՞ս է ծասվելու 24 մլն դոլար վարկը: ԵՐԿԻՐ-ը այդ մասին կպատմի առաջիկայում: