Ադրբեջանաթուրքական կողմը շարունակում է պնդել, որ հուլիսին պիտի մտնի Բերձոր

Հասարակություն

28 Հունիսի 2022, 18:30

Հունիսի 29-ին Բաքվում տեղի է ունենալու հանդիպում, որին ներկա են լինելու Ադրբեջանի նախագահ Ալիևը, պաշտպանության նախարար Զաքիր Հասանովը, ԱԳ նախարար Ջեյհուն Բայրամովը, Թուրքիայի պաշտպանության նախարար Հուլուսի Աքարը, հնարավոր է՝ ՌԴ ՊՆ որոշ ներկայացուցիչներ։

Ադրբեջանաթուրքական կողմը շարունակում է պնդել, որ հուլիսին պիտի մտնի Բերձոր (Լաչին), մինչդեռ արդեն պարզ է, որ հուլիսին պատրաստ չի լինելու Լաչինի միջանցքի նոր ճանապարհը, հետևաբար Բերձորը չի կարող տրվել թշնամուն։

Ադրբեջանը առաջարկում է իր դրոշը դնել Բերձորում, բայց թույլ տալ, որ հայերը երթևեկեն գործող ճանապարհով, մինչև նոր ճանապարհը կառուցվի ամբողջությամբ։ Բայց մենք հասկանում ենք, որ դա կլինի Գորիս-Կապան ճանապարհի պատմության կրկնությունը, հետևաբար նույնպես անթույլատրելի է։

Հունիսի 29-ի երեկոյան կհասկանանք, թե ինչպես են Ադրբեջանը և Թուրքիան գնահատում իրենց հնարավորությունները և արդյո՞ք պատրաստ են արձագանքել Բերձորը հիմա պահելու մեր դիմադրությանը։

Կհասկանանք նաև ռուսական կողմի իրական դիրքորոշումը՝ հակված են հուլիսին դուրս գալ Բերձորի՞ց, թե՞ ոչ։

Բերձորը, Աղավնոն ու Սուսը պիտի մնան մեր հսկողության տակ մինչև նոր ճանապարհի կառուցումը և ենթակառուցվածքների (գազ, էլ․, ինտերնետ, հեռախոս) տեղափոխումը։ Դա ամիսներ է տևելու, որից հետո նոր կսկսենք բանակցությունը՝ ըստ տվյալ ժամանակի աշխարհաքաղաքական վիճակի՝ տա՞լ, թե՞ չտալ Լաչինը։

Նաիրի Հոխիկյան

Լրագրող, մեդիափորձագետ

Այս թեմայով նորություններ

8 Օգոստոսի 2022, 13:17Լաչինի միջանցքի նոր ճանապարհն ադրբեջանցիներն ավարտել են. Նաիրի Հոխիկյան

6 Օգոստոսի 2022, 14:10Աղավնոյի թալանի մասին հրապարակում եմ անում ու պետական քարոզչամեքենան անցնում է իր սիրած գործին' ինձ հերքելուն․ Հոխիկյան

5 Օգոստոսի 2022, 22:42Աղավնոյի թալանը սկսված է․ ՀՀ-ից արդեն մի խումբ իշխանական չինովնիկներ մտել են գյուղ ու գործի անցել

5 Օգոստոսի 2022, 17:08Բերձորի բնակիչները փակել են Լաչինի միջանցքի ճանապարհը. Նաիրի Հոխիկյան

5 Օգոստոսի 2022, 15:42Մարուքյանը փորձում է քիթը մտցնել տարբեր տեղեր, որպեսզի իր շեֆին հնարավորինս շատ քծնի. Նաիրի Հոխիկյան

4 Օգոստոսի 2022, 17:50Չի բացառվում՝ օգոստոսի 5-ին խաղաղապահները գործողություն անելու հրաման ստանան․ Պուտինը ԱԽ նիստ է արել

4 Օգոստոսի 2022, 13:25Փաստացի ՀՀ վարչապետն ընդունում է, որ թշնամին խաղաղության նպատակ չունի, այդ պարագայում դու ինչո՞ւ ես ամեն կերպ ձգտում այդ խաղաղության․ Նաիրի Հոխիկյան

3 Օգոստոսի 2022, 21:56Ի՞նչ է անում հայկական արբանյակը տիեզերքում. ինչո՞վ է զբաղված, եթե զբաղված է, իհարկե

3 Օգոստոսի 2022, 19:28Ադրբեջանն այս պահի դրությամբ ունի 1 հաստատված սպանված, ևս 9 վիրավոր