close
Եղանակը Երևանում
9 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
9 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հնդկաստանը մարդատար ավտոմեքենաների անվտանգության վարկանշային համակարգ կներդնի

Քաղաքական

25 Հունիսի 2022, 16:27
 Հնդկաստանը մարդատար ավտոմեքենաների անվտանգության վարկանշային համակարգ կներդնի

Հնդկաստանը կներդնի մարդատար ավտոմեքենաների անվտանգության վարկանշային համակարգ։ Սա մի միջոց է, որը, ինչպես հուսով են նախարարությունում, կխրախուսի արտադրողներին անվտանգության առաջադեմ միջոցներ ներկայացնել եւ բարելավել երկրում արտադրված մեքենաների «արտահանման պիտանելիությունը», հաղորդում է Reuters-ը:

Հնդկաստանի ավտոմոբիլային տրանսպորտի նախարարության հայտարարության մեջ ասվում է, որ տրանսպորտային միջոցներին կտրամադրվի վարկանիշ՝ 1-5 աստղ՝ հիմնվելով մեծահասակների եւ երեխաների պաշտպանության, ինչպես նաեւ անվտանգության տեխնոլոգիաների գնահատման թեստերի վրա:

Նոր համակարգը պետք է ուժի մեջ մտնի 2023 թվականի ապրիլին։

Հնդկաստանը, որտեղ գտնվում են աշխարհի ամենամահաբեր ճանապարհներից մի քանիսը, նաեւ առաջարկել է բոլոր մարդատար մեքենաներից պահանջել վեց անվտանգության բարձիկ ունենալ, չնայած որոշ ավտոարտադրողների դիմակայությանը, որոնք ասում են, որ դա կբարձրացնի մեքենաների արժեքը: Գործող կանոնները նախատեսում են երկու անվտանգության բարձիկներ՝ մեկը վարորդի եւ մեկը՝ առջեւի ուղեւորի համար:

Հնդկաստանը հինգերորդ խոշորագույն ավտոմոբիլային շուկան է աշխարհում՝ տարեկան մոտ 3 միլիոն միավոր վաճառքով: Maruti Suzuki-ն, որի բաժնետոմսերի մեծ մասը պատկանում է ճապոնական Suzuki Motor-ին, եւ Hyundai Motor-ը ամենավաճառվող ավտոարտադրողներն են:

Այս բաժնի այլ նորությունները
Ամենաշատ ընթերցվածները
Yandex.Metrica