close
Եղանակը Երևանում
17 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
17 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀԴԲ-ն կանխել է Ջորջ Բուշ-կրտսերի դեմ մահափորձը․ ԶԼՄ-ներ

Աշխարհ

24 Մայիսի 2022, 20:22
 ՀԴԲ-ն կանխել է Ջորջ Բուշ-կրտսերի դեմ մահափորձը․ ԶԼՄ-ներ

ՀԴԲ-ն կանխել է ԱՄՆ նախկին նախագահ Ջորջ Բուշ-կրտսերի դեմ մահափորձը, ամերիկյան իշխանությունները հետեւել են WhatsApp-ում ենթադրյալ կազմակերպչի նամակագրությանը (մեսենջերը պատկանում է Meta* ընկերությանը), ՌԻԱ Նովոստիի հաղորդմամբ՝ երեքշաբթի հաղորդել Է Forbes պարբերականը:

Պարբերականի ստացած տվյալների համաձայն՝ մահափորձը ծրագրել էր Օհայոյի նահանգում բնակվող իրաքցի, ենթադրաբար՝ ԻՊ-ի ահաբեկչական խմբավորման հետ կապ ունեցող անձը։ Նշվում է, որ նա ԱՄՆ է ժամանել 2020 թվականին՝ փաստաթղթեր ներկայացնելով ապաստան տրամադրելու համար: Պարբերականը չի նշում նրա անունը եւ տեղեկություններ չունի այն մասին, թե արդյո՞ք նա ներկայումս ձերբակալված է, նրա դեմ պաշտոնական մեղադրանքներ դեռ չեն ներկայացվել:

Forbes-ի տրամադրության տակ հայտնված տվյալների համաձայն՝ կասկածյալը մահափորձը ծրագրել էր 2021 թվականից։ Հաղորդվում է, որ դրա համար նա ուղեւորվել է Դալլաս (Տեխաս ՝ Բուշի տան տեսանկարահանման համար, ինչպես նաեւ փորձել է ԱՄՆ բերել հայրենակիցներին՝ նախկին նախագահի դեմ մահափորձին մասնակցելու համար:

Հրատարակության տվյալներով՝ ՀԴԲ-ն տեղեկություններ է ստացել վստահելի իրազեկիչների միջոցով նախապատրաստվող մահափորձի, ինչպես նաեւ WhatsApp հավելվածում կասկածյալի նամակագրության մոնիթորինգի արդյունքում: Ինչպես հաղորդում է հրատարակությունը՝ վկայակոչելով մարտի 23-ին ստորագրված խուզարկության թույլտվությունը, կասկածյալը «պատմել է, որ ցանկացել է կատարել Բուշի սպանությունը այն պատճառով, որ նրան պատասխանատու է համարել մեծ թվով իրաքցիների սպանության եւ 2003 թվականին ԱՄՆ-ի ռազմական ներխուժումից հետո երկրի պառակտման համար»: «Թեեւ կասկածյալը համոզված էր, որ իր WhatsApp-ի հաշիվը անվտանգ է, նա չգիտեր, որ քննիչները կարող էին տեսնել գաղտնի աղբյուրների կողմից ուղարկված յուրաքանչյուր հաղորդագրություն: Նա նաեւ չգիտեր, որ սկսած հոկտեմբերից (2021 թ. - խմբ.) նա օգտագործել է ՀԴԲ - ի պահանջով տեղեկատուի տրամադրած հեռախոսը», - գրում է պարբերականը։

 

Այս բաժնի այլ նորությունները
Ամենաշատ ընթերցվածները
Yandex.Metrica