close
Եղանակը Երևանում
5 Հուլիսի 2022
+16°
+27°Ցերեկ
+15°Գիշեր
weather
close
Փոխարժեք
5 Հլս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱԳ փոխնախարարը կոստյումին փակցրեց Արցախի դրոշը, բայց հրաժարվեց ասել՝ Արցախը չի լինելու Ադրբեջանի կազմում

Հասարակություն

24 Մայիսի 2022, 12:13
 ԱԳ փոխնախարարը կոստյումին փակցրեց Արցախի դրոշը, բայց հրաժարվեց ասել՝ Արցախը չի լինելու Ադրբեջանի կազմում

ԱԺ ընդդիմադիր պատգամավորները, որոնք, ի վերջո, մտան ԱԳՆ շենքը, բացեցին պատուհաններից մեկն ու ողջունեցին նախարարության շենքը ժամեր շարունակ շրջափակած քաղաքացիներին։

«Պայքար, պայքար, պայքար»,- վանկարկեցին պատգամավոր Արամ Վարդևանյանն ու Արթուր Սարգսյանը։

Ընդդիմադիր պատգամավորներին ընդունեց արտաքին գործերի նախարարի տեղակալ Մնացական Սաֆարյանը։ Պատգամավոր Թադևոս Ավետիսյանն առաջարկեց նրան՝ կրել Արցախի դրոշով պիտակը, ինչին ի պատասխան Սաֆարյանը ասաց, որ Արցախի դրոշը կրելու ոչ մի խնդիր չունի, և այն փակցրեց իր հագուստին։

Պատգամավորները հարց ուղղեցին նախարարի տեղակալին, թե  ԱԳՆ-ում կա՞ մի աշխատակից, որը կարող է հայտարարել՝ Արցախը երբեք չի լինելու Ադրբեջանի կազմում։ «Դուք այս ճգնաժամը մեկ նախադասությամբ կարող եք հաղթահարել, պետք է միայն ասեք այդ պարզ նախադասությունը՝ Արցախը երբեք չի լինելու Ադրբեջանի կազմում»,- ասաց պատգամավոր Քրիստինե Վարդանյանը։

«Քրիստինեի այդ բառերը,  Գերագույն խորհրդի 1992 թ. որոշմամբ, իրավական ուժ ունեցող  բառացի մեջբերում է։ Դա կարծիք չէ։ Դրան հետևելը Ձեր ուղղակի պարտականությունն է»,- շարունակեց Արամ Վարդևանյանը։

«Ես սյունեցի եմ և լսեցի, որ Ալիևն ու Էրդողանն իրար հետ զրույց են ունեցել ու ասել, որ Սյունիքի միջանցքը լինելու է։ Լինելո՞ւ է, թե՞ չի լինելու»,- հարցրեց ԱԺ պատգամավոր Արթուր Սարգսյանը։

«Դուք լսել եք ԱԳՆ հայտարարությունները, ես լսեցի ձեր մեսիջները և կարծիքները»,- արձագանքեց Մնացական Սաֆարյանը։

Հարցին, թե իրեն արգելվա՞ծ է  նման բան հայտարարել, ԱԳ նախարարի տեղակալն արձագանքեց՝ արգելված չէ։

ԱԺ պատգամավորները դուրս եկան Սաֆարյանի աշխատասենյակից և հայտարարեցին, որ նախարարի տեղակալը այդպես էլ չարտասանեց «Արցախը երբեք չի լինելու Ադրբեջանի կազմում» արտահայտությունը։

Նշենք, որ Մնացական Սաֆարյանն ընդգրկված է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի կազմում։

Ամենաշատ ընթերցվածները
Yandex.Metrica