close
Եղանակը Երևանում
16 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
16 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ալիևն Էրդողանին զեկուցել է Բրյուսելի գագաթնաժողովի արդյունքների և «Զանգեզուրի» միջանցքի բացման պայմանավորվածությունների մասին

Տարածաշրջան

24 Մայիսի 2022, 10:52
 Ալիևն Էրդողանին զեկուցել է Բրյուսելի գագաթնաժողովի արդյունքների և «Զանգեզուրի» միջանցքի բացման պայմանավորվածությունների մասին

Ադրբեջանի նախագահ Իլհամ Ալիևը երկուշաբթի իր թուրք գործընկեր Ռեջեփ Թայիփ Էրդողանին հեռախոսազրույցի ընթացքում հայտնել է մայիսի 22-ին Բրյուսելում Հայաստանի վարչապետի և ԵՄ խորհրդի նախագահի մասնակցությամբ գագաթնաժողովի արդյունքների մասին։

«Ադրբեջանի նախագահը մայիսի 23-ին զանգահարել է Թուրքիայի նախագահին։ Պետության ղեկավարը տեղեկացրել է Թուրքիայի նախագահին մայիսի 22-ին Բրյուսելում ԵՄ խորհրդի նախագահի և Հայաստանի վարչապետի մասնակցությամբ տեղի ունեցած հանդիպման մասին»,- հայտնել է Ադրբեջանի ղեկավարի մամուլի ծառայությունը։

Ալիևը նշել է, որ հանդիպման ընթացքում քննարկվել են Ադրբեջանի և Հայաստանի միջև խաղաղության պայմանագրի նախապատրաստումը, հատկապես՝ Բաքվի առաջարկած հինգ սկզբունքները, հայ-ադրբեջանական հարաբերությունների կարգավորումը, տրանսպորտային միջանցքների բացումը և սահմանի սահմանազատումը։

«Ադրբեջանի նախագահը դրական է գնահատել եռակողմ հանդիպման արդյունքները»,- ասվում է տեղեկատվության մեջ։

Էրդողանն, իր հերթին, բարձր է գնահատել Բրյուսելում կայացած հանդիպման արդյունքները։

«Ադրբեջանի և Թուրքիայի նախագահները նշել են տարածաշրջանում որքան հնարավոր է շուտ խաղաղության հասնելու կարևորությունը»,- ասվում է հաղորդագրությունում։

Ալիևն ու Էրդողանը մտքեր են փոխանակել նաև երկկողմ համագործակցության և ապագա շփումների շուրջ։


Այս բաժնի այլ նորությունները
Ամենաշատ ընթերցվածները
Yandex.Metrica