close
Եղանակը Երևանում
25 Հունիսի 2022
+16°
+27°Ցերեկ
+15°Գիշեր
weather
close
Փոխարժեք
25 Հնս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Իրենց հոր տնից չեն տվել էդ մանդատները, որ մի հատ էլ զրկեն, թող իրենք մտածեն իրենց մանդատների մասին․ Իշխան Սաղաթելյան

Քաղաքական

18 Մայիսի 2022, 15:15
 ՏԵՍԱՆՅՈՒԹ․ Իրենց հոր տնից չեն տվել էդ մանդատները, որ մի հատ էլ զրկեն, թող իրենք մտածեն իրենց մանդատների մասին․ Իշխան Սաղաթելյան

Փորձում են քաղաքական ճնշում բանեցնել և մտածում են՝ կարող են մեզ վրա ազդել, բայց իրենք իրոք չեն տիրապետում իրավիճակին՝ ըստ Yerkir.am-ի հայտարարեց ՀՅԴ Հայաստանի ԳՄ ներկայացուցիչ, ԱԺ փոխխոսնակ Իշխան Սաղաթելյանը Ֆրանսիայի հրապարակում լրագրողների հետ զրույցում՝ մեկնաբանելով Ալեն Սիմոնյանի հայտարարությունը, որ ընդդիմադիրները պետք է լուրջ վերաբերվեն բացակայություններին․ նա թվեր է հրապարակել ու բարձրացրել է ընդդիմադիր պատգամավորներին մանդատներից զրկելու հարցը։

«Իրենց թվում է, որ այդ մանդատները մեզ համար ընդհանրապես նշանակություն ունեն։ Ի տարբերություն իրենց մեր կյանքի նպատակը երբեք ոչ մանդատն է, ոչ պաշտոնը։ Մենք այդ մանդատը ստացել ենք մեր ժողովրդի և պետության շահը սպասարկելու համար, այսօր այդ շահը փողոցում է, խնդիրները հստակ ձևակերպված են, և մենք ասել ենք, որ խորհրդարան կվերադառնանք մեր օրակարգով։ Իրենք պետք է մտածեն ընդհանրապես իրենց քաղաքական կարիերայի, վաղվա օրվա, իրենք պետք է մտածեն իրենց մանդատների մասին։ Իրենք չեն կարող մեզ զրկել, իրենց հոր տնօց չեն տվել այդ մանդատները, որ մի հատ էլ զրկեն»,-ասաց Իշխան Սաղաթելյանը։

Անդրադառնալով տարածված լուրերին, որ իշխանությունը մտադիր է նորից արտահերթ ընտրություններ անցկացնել՝ իր դիրքերն ամրապնդելու համար, Սաղաթելյանն ասաց, որ ակնհայտ է՝ իշխանությունը փորձում է լուծման ճանապարհներ գտնել, բայց լուծման ճանապարհը մեկն է՝ Նիկոլի հրաժարականը։

«Իրենք իրոք պետք է քննարկեն, գան այդ եզրակացության, որ կա ձևակերպված հանրային պահանջ, այդ հանրային պահանջը ամեն օր փաստվում է մեր արժանապատիվ քաղաքացիների կողմից, և ստեղծված իրավիճակում մի ճանապարհ կա՝ հրաժարականը։ Նիկոլը պետք է գնա, որպեսզի երկրում լինի խաղաղություն, պետք է գնա, որպեսզի լինի կայունություն, համերաշխություն, որպեսզի Արցախը մնա հայկական, վերջապես պետք է գնա, որ հայ մարդը կարողանա ապրել։ Ինքն արդեն խոչընդոտ է այդ ճանապարհին»,-հայտարարեց նա։

Իշխան Սաղաթելյանի համար այսօր ակնհայտ է եղել, որ ոստիկաններին հրահանգ կար նաև պատգամավորների հանդեպ ուժ կիրառել։ Նա վստահեցրեց, որ դրանով ոչ թե երևում է, որ իրենք ուժեղ տղերք են, այլ նրանք ընդամենը Նիկոլի կատարածուներն են և Նիկոլը փողով նրանց մաս է դարձրել իր ապօրինի որոշումներին։ Նրանք պատժվելու են։

Մանրամասն՝ տեսանյութում․

Այս բաժնի այլ նորությունները
Ամենաշատ ընթերցվածները
Yandex.Metrica