close
Եղանակը Երևանում
20 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
20 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տեխնիկական խնդիրներ կան․ ամեն ինչ անում ենք, որ հենց այսօր Աշոտ Մինասյանը գտնվի ազատության մեջ․ Միհրան Պողոսյան

Հասարակություն

26 Հունվարի 2022, 22:06
 Տեխնիկական խնդիրներ կան․ ամեն ինչ անում ենք, որ հենց այսօր Աշոտ Մինասյանը գտնվի ազատության մեջ․ Միհրան Պողոսյան

Այս գործով պաշտպանական կողմի փոքր նպատակը, որ գործը պետք է քննվի առանց լրացուցիչ ճնշումների գործադրման, մասնավորապես՝ Աշոտ Մինասյանին անազատության մեջ պահելու, մենք իրականացված ենք համարում։ Այս մասին լրագրողների հետ զրույցում ասաց «Սիսական» ջոկատի հրամանատար Աշոտ Մինասյանի պաշտպան Միհրան Պողոսյանը՝ անդրադառնալով Մինասյանին ազատ արձակելու որոշմանը։

«Կարծում եմ՝ Դատախազությունը ևս այս որոշումը որպես ողջամիտ կդիտարկի և ձեռնպահ կմնա վերաքննիչ բողոք ներկայացնելուց, որովհետև, վերաքննիչ բողոք ներկայացնելով, Աշոտ Մինասյանին անազատության մեջ պահելու նպատակն ակնհայտ կլինի»,-նշեց փաստաբանը։

Նա ընդգծեց՝ քննվում էին այն հարցերը, թե արդյո՞ք Աշոտ Մինասյանը, ազատության մեջ գտնվելու պարագայում, կարող է թաքնվել, խոչընդոտել գործի քննությանը կամ նոր հանցանք կատարել։ «Դատարանը որոշել է, որ եթե նույնիսկ Մինասյանը կարող է այս գործողություններից որևէ մեկը կատարել, ապա գրավն ու չհեռանալու մասին ստորագրությունը զսպում են այդ ռիսկերը»,-ասաց Պողոսյանը։

Այս պահին պաշտպանները փորձում են լուծել գրավի վճարման տեխնիակական խնդիրը, որից հետո Մինասյանն անհապաղ ազատ կարձակվի։

Հիշեցնենք՝ գրավաչափ է սահմանվել 2 մլն դրամը։

Ամենաշատ ընթերցվածները
Yandex.Metrica