close
Եղանակը Երևանում
1 Հուլիսի 2022
+16°
+27°Ցերեկ
+15°Գիշեր
weather
close
Փոխարժեք
1 Հլս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄՆ-ն ամրապնդում է ահաբեկիչների դիրքերը Սիրիայում. ՄԱԿ-ում Ռուսաստանի մշտական ներկայացուցչություն

Աշխարհ

26 Հունվարի 2022, 19:38
 ԱՄՆ-ն ամրապնդում է ահաբեկիչների դիրքերը Սիրիայում. ՄԱԿ-ում Ռուսաստանի մշտական ներկայացուցչություն

ԱՄՆ-ն աջակցում է զինյալներին Իդլիբում, ամրապնդում «Հայաթ Թահրիր աշ-Շամ» ահաբեկչական խմբավորման դիրքերը: Այդ մասին հայտարարել է ՄԱԿ-ին առընթեր Ռուսաստանի մշտական ներկայացուցչությունը:

«Սիրիացիների մասին մտահոգության պատրվակով, որոնք «Հայաթ Թահրիր աշ-Շամ»-ի ահաբեկիչների կողմից Իդլիբում բռնությամբ պահվում են որպես կենդանի վահան, ամերիկյան դիվանագիտությունն իր հարկատուների միջոցներով փաստորեն աջակցում է զինյալներին»,-ասվում է հաղորդագրության մեջ: Ավելացվում է, որ «դրան զուգահեռ ԱՄՆ-ը չի խնայում իր ուժերը, զբաղվելով Իդլիբի մարդասպանների ռեբրենդինգով եւ նրանց ներկայացնելով որպես Դամասկոսի կառավարության այլընտրանք»:

«Ամրապնդելով «Հայաթ Թահրիր աշ-Շամ»-ի դիրքերը՝ Վաշինգտոնը «կրակում է իր ոտքին», հայտարարելով Սիրիայի Արաբական Հանրապետության տարածքային ամբողջականությանը հավատարմության մասին»,-նշում է մշտական ներկայացուցչությունը: Մոսկվան նաեւ հայտարարում է, որ «ամերիկացիներն առանց խղճի խայթի բռնազավթում են ոչ միայն այդ երկրի մի մասը Աթ-Թանֆի մերձակայքում, այլեւ Սիրիայի ողջ հյուսիս-արեւելքը՝ նավթաբեր շրջանը եւ «հացի շտեմարանը»:

«Իրեն ներկայացնելով որպես «հանգուցային դոնոր»՝ ԱՄՆ-ը պետք է հետեւողականորեն լինի իր դիրքորոշման հարցում եւ հեռանա անօրինականորեն բռնազավթված տարածքներից, Դամասկոսին վերադարձնելով Անդրեփրատի բերրի հողերը եւ դադարեցնելով երկիրը կողոպտելը՝ ամեն ամիս բեռնատարների շարասյուներով դուրս տանելով Սիրիայի հյուսիս-արեւելքում արդյունահանված նավթը»,-հայտարարում է Ռուսաստանի մշտական ներկայացուցչությունը, հաղորդել է ՌԻԱ Նովոստին:

Այս բաժնի այլ նորությունները
Ամենաշատ ընթերցվածները
Yandex.Metrica