Փաշինյանը վերահաստատեց, որ կողմ է թուրք–ադրբեջանական նախապայմաններին

Հասարակություն

24 Հունվարի 2022, 22:36

Փաշինյանը վերահաստատեց, որ կողմ է թուրք–ադրբեջանական նախապայմաններին

Նիկոլ Փաշինյանն արդեն երկրորդ ինքնաասուլիսն է տալիս՝ ագրեսիվորեն քարոզելով թուրք–ադրբեջանական նախապայմանների բավարարման օգտին։

Ըստ նրա՝

1. Ղարաբաղը Ադրբեջան է, և վե՛րջ,

2․ Հայոց ցեղասպանության միջազգային ճանաչման հարցում լոկոմոտիվը պետք է լինի հայկական սփյուռքը, ինչը «թարքմանաբար» նշանակում է ճանաչման հարցը ՀՀ պետական քաղաքականության օրակարգից հանել կամ այն դարձնել ձևական։

Այսքանից հետո հայտարարել, թե, իբր, հայ–թուրքական (իրականում՝ հայ–թուրք–ադրբեջանական) ներկա շփումներն առանց նախապայմանների են, պարզապես լկտի սուտ է։ Նման՝ «Ալիևը կիրթ է ու կառուցողական, նա էլ է ուզում խնդրի խաղաղ կարգավորում, մենք էլ» ստին։

Էրդողանը, Ալիևն ու Փաշինյանը ՀՀ քաղաքացիներին նետում են նախադասություն («հայ–թուրքական երկխոսությունն առանց նախապայմանների է»), իսկ փոխարենը Թուրքիան ու Ադրբեջանը Փաշինյանից ստանում են իրենց նախապայմանների բավարարում։ Այժմ այդ բավարարման ագրեսիվ քարոզչական փուլն է։

Փաշինյանն այնպիսի էնտուզիազմով է պաշտպանում Ղարաբաղի ներառմամբ Ադրբեջանի տարածքային ամբողջականության ապահովման թեզը և այնպես է նսեմացնում Մադրիդյան սկզբունքների համաձայն Արցախի ինքնորոշման իրավունքի իրացման հայանպաստ հեռանկարը, որ Ալիևն ու Էրդողանը կարող են հանգիստ այլ գործերով զբաղվել։

Նիկոլի էժանագին «կռուտիտն» այն է, թե, իբր, ինքը մեղավոր չէ, քանզի «էն գլխից» է ամեն ինչ հանձնած եղել։

Համաշխարհային պատմության մեջ գոնե ինձ հայտնի չէ դեպք, երբ թշնամական հարաբերություններ ունեցող երկրներից մեկի ղեկավարը փաստաբանություն անի թշնամի երկրի օգտին։

Անդրանիկ Թևանյան

«Հայաստան» խմբակցության պատգամավոր

Այս թեմայով նորություններ

23 Մայիսի 2022, 14:02Բրյուսելյան դավադրություն. Անդրանիկ Թևանյան

19 Մայիսի 2022, 12:19Թուրքիան հերթական անգամ միջամտում է ՀՀ ներքաղաքական կյանքին և պաշտպանում Փաշինյանին․ Անդրանիկ Թևանյան

16 Մայիսի 2022, 14:32Նիկոլն՝ ընդդեմ Հայաստանի ու Արցախի դրոշների․ Անդրանիկ Թևանյան

15 Մայիսի 2022, 13:516-կետանոց Նիկոլ Փաշինյանը․ նա Արցախը տեսնում է Ադրբեջանի կազմում

13 Մայիսի 2022, 14:23«Վարչապետի» գարունը․ Անդրանիկ Թևանյանի գրառումը

11 Մայիսի 2022, 14:59Շուտով նոր բեմադրություն՝ Նիկոլի ռեժիսորությամբ ու գերիների «հարազատների» կատարմամբ․ Անդրանիկ Թևանյան

9 Մայիսի 2022, 14:52Մեր տոնը, ժպիտը և հաղթանակը գողացել է Նիկոլ Փաշինյանը. գողության գլխավոր հեղինակը պետք է վռնդվի․ Թևանյան

3 Մայիսի 2022, 16:54Նիկոլ Փաշինյանի ապալեգիտիմացումը. Անդրանիկ Թևանյան

1 Մայիսի 2022, 12:46Նիկոլի ձեռքերն արյունոտ են սկսած 2008–ի մարտի 1–ից մինչև 44–օրյա պատերազմը. Անդրանիկ Թևանյան