close
Եղանակը Երևանում
26 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
26 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հունաստանը ստացել է ֆրանսիական Rafale կործանիչների առաջին խմբաքանակը

Աշխարհ

19 Հունվարի 2022, 18:32
 Հունաստանը ստացել է ֆրանսիական Rafale կործանիչների առաջին խմբաքանակը

Վեց նոր Rafale կործանիչներ թռիչք են իրականացրել Աթենքի կենտրոնում գտնվող Ակրոպոլիսի վրայով։ Սրանք առաջին ինքնաթիռներն են, որոնք ձեռք են բերվել Ֆրանսիայի հետ պաշտպանական համաձայնագրի շրջանակում, որոնք էլ ավելի են սրել Հունաստանի եւ Թուրքիայի միջեւ լարվածությունը, հաղորդում է Reuters-ը:

Հունաստանը պատվիրել է ընդհանուր առմամբ 24 Dassault արտադրության մոտ 3 միլիարդ եվրո արժողությամբ ինքնաթիռ, քանի որ այն ձգտում է արդիականացնել իր ռազմական ուժը Միջերկրական ծովի արեւելյան հատվածում էներգիառեսուրսների հետ կապված վերջին վեճի ֆոնին: 

«Դրանք արդեն ճանապարհին են»,- թվիթերում գրել է Հունաստանի վարչապետ Կիրիակոս Միցոտակիսը ՝ տեղադրելով Rafale ինքնաթիռներ նստող Հունաստանի ռազմաօդային ուժերի օդաչուների տեսանյութը։

Հոկտեմբերին Հունաստանի խորհրդարանը վավերացրել է Ֆրանսիայի հետ ռազմավարական-պաշտպանական պայմանագիրը, ըստ որի՝ արտաքին վտանգի դեպքում նրանք օգնության կհասնեն միմյանց։

Պայմանագիրը ներառում է նաեւ երեք ֆրանսիական ֆրեգատների պատվեր՝ եւս 3 միլիարդ եվրո արժողությամբ:

Ֆրանսիան ասում է, որ համաձայնագիրն ուղղված չէ որեւէ երրորդ երկրի դեմ, սակայն Հունաստանը, որը պահպանում է Եվրամիության հարավարեւելյան թեւը, պետք է պաշտպանված լինի:

Հունաստանի եւ Թուրքիայի միջեւ հարաբերությունները երկար ժամանակ լարված են եղել Միջերկրական ծովի արեւելյան հատվածում տարածքային խնդիրների, այդ թվում՝ օդային տարածքի, էներգետիկայի, Էգեյան ծովի որոշ կղզիների կարգավիճակի եւ Կիպրոսի հետ կապված:

Աթենքն ու Անկարան վերսկսել են նախնական շփումները անցյալ տարի։

Այս բաժնի այլ նորությունները
Ամենաշատ ընթերցվածները
Yandex.Metrica