close
Եղանակը Երևանում
25 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
25 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ղազախստանում պանթյուրքիստական, ռադիկալ ուժերի հաջողության դեպքում Արցախյան չորրորդ պատերազմի հավանականությունը 100% կլիներ, հիմա այդ հավանականությունը փոքր է. Դավիթ Բաբայան

Քաղաքական

19 Հունվարի 2022, 14:54
 Ղազախստանում պանթյուրքիստական, ռադիկալ ուժերի հաջողության դեպքում Արցախյան չորրորդ պատերազմի  հավանականությունը 100% կլիներ, հիմա այդ հավանականությունը փոքր է. Դավիթ Բաբայան

Միանշանակ նոր պատերազմ կարող է լինել, ոչ ոք չի կարող այն բացառել կամ երաշխավորել, որ չի լինի, սակայն հավանականությունը շատ փոքր է։ Այս մասին մամուլի ասուլիսում, անդրադառնալով նոր պատերազմի հավանականությանը, ասաց ԱՀ ԱԳ նախարար Դավիթ Բաբայանը։

«Լայնամասշտաբ հարձակումը Հայաստանի վրա, խոսքը, իհարկե, ռազմական սադրանքների մասին չէ, փաստացի կնշանակի հարձակում ՀԱՊԿ-ի վրա, որը չի կարող աննկատ մնալ։ Մենք տեսանք վերջին իրադարձությունները Ղազախստանում։ Ինչ վերաբերում է Արցախին,  հարձակումը Արցախի վրա  կնշանակի հարձակում ռուս խաղաղապահների վրա, հետևաբար՝ Ռուսաստանի վրա։ Այս համատեքստում սա կլինի մի այլ,  նոր որակի պատերազմ։ Այն չի լինի պատերազմ Ադրբեջանի և Հայաստանի կամ Ադրբեջանի և Արցախի միջև։ Ես չեմ կարծում, որ Ադրբեջանում դա չեն հասկանում, հետևաբար, այս պահին լայնամասշտաբ պատերազմի հավանականությունը փոքր է։ Եթե Ղազախստանում տեռորիստները, պանթյուրքիստները և այլ  ռադիկալ խմբավորումներ հաջողության հասնեին, ապա չորրոդ պատերազմի հավանականությունը կլիներ 100%»,- ասաց նա։

Այս բաժնի այլ նորությունները
Ամենաշատ ընթերցվածները
Yandex.Metrica