close
Եղանակը Երևանում
26 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
26 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առանց Թուրքիայի EastMed-ը չի գործարկվի. Էրդողան

Տարածաշրջան

19 Հունվարի 2022, 17:13
 Առանց Թուրքիայի EastMed-ը չի գործարկվի. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Միացյալ Նահանգները հասկացել է, որ Արևելյան Միջերկրական գազատարի նախագիծը (EastMed) չի աշխատի. նա ասել է, որ այն «ֆինանսապես անկայուն է»:

«Վաշինգտոնը հասկացել է, որ այս նախագիծը ոչինչ չի տա»,- ասել է թուրք առաջնորդը՝ նշելով Իսրայելից Եվրոպա ծովային խողովակաշարի գաղափարի «ֆինանսական անկայունությունը»:

Էրդողանն ընդգծել է, որ առանց Թուրքիայի մասնակցության անհնար է նման նախագծեր իրականացնել Արևելյան Միջերկրական ծովում։

«Եթե գազը հասցվի Եվրոպա, ապա միայն՝ թուրքական տարածքով: Թուրքիան պատրաստ է կրկին քննարկել այդ հարցը Իսրայելի հետ»,- լրագրողներին ասել է թուրք նախագահը Ալբանիա կատարած այցի ժամանակ։

Համաձայն մի շարք հույն քաղաքական գործիչների և լրատվամիջոցների հրապարակած ոչ պաշտոնական թղթի՝ ամերիկյան կողմը, որը Դոնալդ Թրամփի նախագահության օրոք աջակցում էր EastMed-ին, այժմ մտքափոխվել է և սառեցրել դրա շինարարությունը։ Հիմնավորումը բնապահպանական պատճառներն են, ֆինանսական սնանկությունը և այն, որ այս խողովակաշարը լարվածություն կստեղծի տարածաշրջանում, քանի որ Թուրքիան համաձայն չէ դրան։ Ծրագրի երեք մասնակիցներին` Հունաստանին, Կիպրոսին և Իսրայելին, ինչպես նաև Թուրքիային, ուղարկվել է ոչ պաշտոնական փաստաթուղթ: 

Արևելյան միջերկրածովյան գազատարը նախագծվում է իսրայելական «Լևիաթան» և կիպրական «Աֆրոդիտե» հանքավայրերից մայրցամաքային Եվրոպա գազ մատակարարելու համար: East Med-ը կարող է Հունաստանը, Կիպրոսը և Իսրայելը կապել Եվրոպայի հարավի հետ։ Դրա ծրագրված երկարությունը 1,9 հազար կիլոմետր է, շինարարության մեջ ներդրումները գնահատվում են 6 միլիարդ եվրո։ Նախագծային հզորությունը կազմում է տարեկան 10 մլրդ խմ գազ, հետագայում հնարավոր է այն հասցնել տարեկան 20 մլրդ խմ-ի։

EastMed գազատարի կառուցման միջպետական համաձայնագիրը ստորագրվել է 2020 թվականի հունվարի 2-ին Հունաստանի, Իսրայելի և Կիպրոսի կողմից։ Նախագծին պատրաստվում էր միանալ Իտալիան։ ԱՄՆ-ն ակտիվորեն աջակցում էր նախագծին, քանի որ այն հանգեցնում էր ռուսական գազից ԵՄ-ի կախվածության նվազմանը և տարածաշրջանում Ռուսաստանի ներկայության կրճատմանը:


Այս բաժնի այլ նորությունները
Ամենաշատ ընթերցվածները
Yandex.Metrica