close
Եղանակը Երևանում
23 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
23 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հարցերին բուն պատասխաններ հնչեցնելու փոխարեն այստեղ գալիս, հոխորտո՞ւմ եք, ո՞ւմ վրա․ Աննա Գրիգորյան

Քաղաքական

17 Հունվարի 2022, 15:48
 Հարցերին բուն պատասխաններ հնչեցնելու փոխարեն այստեղ գալիս, հոխորտո՞ւմ եք, ո՞ւմ վրա․ Աննա Գրիգորյան

Անկեղծորեն չէի ցանկանա անդրադառնալ այն մարդկանց մտքերին, որոնց մտահորիզոնը սկսվում և ավարտվում է դեղին ժիգուլիով, ինչպես նաև իրենց բարեհամբույր ինքնահռչակած անձանց հոխորտանքներով։ Վերջինիս պինդ և ամուր նյարդեր եմ մաղթում, որովհետև, ցավոք, մեր երկրի համար այսքան դժվար փուլում նա է ՀՀ ներկայացուցիչը Թուրքիայի հետ հարաբերությունների կարգավորման մասով․ ԱԺ ամբիոնից դիմելով ՔՊ-ական Ռուբեն Ռուբինյանին՝ ասաց «Հայաստան» խմբակցության պատգամավոր Աննա Գրիգորյանը։

«Բայց հայ-թուրքական հարաբերությունների մասով կան կետեր, որոնց պարտավոր են այս իշխանությունները պատասխանել և սուբստանտիվ առումով ներկայացնել պարզաբանումներ, թե, առհասարակ, ՀՀ կառավարությունը բանակցությունների գնալիս ի՞նչ պատկերացումներ ունի, ի՞նչ տեսլական ունի, արդյո՞ք հաշվարկել է ռիսկերը և հնարավոր կառավարման ի՞նչ մեխանիզմներ է մտածել։ Պետք է պատասխանեք մի քանի հարցերի, երբ ասում եք՝ առանց նախապայմանների ենք բանակցում․ բանակցություններից մեկ կամ երկու օր առաջ թուրքական կողմն ասում է, որ շատ կարևոր է, որ հայ-ադրբեջանական հարաբերությունները կարգավորվեն, արդյո՞ք այս հանդիպման ընթացքում Թուրքիայի ներկայացուցչի հետ խոսել եք հայ-ադրբեջանական հարաբերությունների կարգավորման վերաբերյալ։ Արդյո՞ք քննարկվել է Ցեղասպանության հարցը, և արդյո՞ք սա որպես  հիմք է դրվել հետագա բանակցությունների՝ ավելի կառուցողական լինելու համար, քննարկվե՞լ են տարածաշրջանում ճանապարհների ապաշրջափակման և Զանգեզուրի միջանցք կոչվածի հարցերը։ Սրանք հարցեր են, որոնք դուք պարտավոր եք պատասխանել, և բուն պատասխաններ հնչեցնելու փոխարեն այստեղ գալիս հոխորտո՞ւմ եք, ո՞ւմ վրա»,-ասաց ընդդիմադիր պատգամավորը։

 

Այս բաժնի այլ նորությունները
Ամենաշատ ընթերցվածները
Yandex.Metrica