close
Եղանակը Երևանում
25 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
25 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսաստանը պատրաստ է օգնել Թուրքիայի և Հայաստանի միջև հարաբերությունների կարգավորմանը. Զախարովա

Աշխարհ

16 Դեկտեմբերի 2021, 14:03
 Ռուսաստանը պատրաստ է օգնել Թուրքիայի և Հայաստանի միջև հարաբերությունների կարգավորմանը. Զախարովա

Մոսկվան ողջունում է հարաբերությունները կարգավորելու՝ Անկարայի և Երևանի տրամադրվածությունը և պատրաստ է աջակցել այս գործընթացին՝ տարածաշրջանում իրավիճակի բարելավման շահերից ելնելով։ Այս մասին չորեքշաբթի ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Հայ-թուրքական հարաբերությունների կարգավորումը կնպաստի տարածաշրջանում ընդհանուր իրավիճակի բարելավմանը, կնպաստի տարածաշրջանում և, իհարկե, երկրների ու ժողովուրդների միջև վստահության և բարիդրացիության առողջ մթնոլորտի ձևավորմանը։ Այս տեսանկյունից՝ մենք ողջունում ենք Անկարայի և Երևանի կողմից վերջերս ցուցաբերված պատրաստակամությունը՝ սկսել երկկողմ երկխոսություն՝ քննարկելու համար կարգավորման խնդիրները։ Կողմերից այս նպատակների համար հատուկ ներկայացուցիչների նշանակումը տրամաբանական և ողջամիտ քայլ է՝ այդ ձգտումը զարգացնելու համար։ Մենք մեր կողմից պատրաստ ենք ամեն կերպ աջակցել այս գործընթացին»,- ասել է նա։

Զախարովան բացատրել է, որ Ռուսաստանը պատրաստ է նպաստել տարածաշրջանում խնդիրների լուծմանը, կապերի ամրապնդմանը և բարիդրացիությանն ուղղված քայլերին։

Նա նաև վստահություն է հայտնել, որ դեկտեմբերի 10-ին Մոսկվայում կայացած «3+3» խորհրդատվական տարածաշրջանային հարթակի հանդիպումը նպաստել է Հայաստանի և Թուրքիայի, ինչպես նաև ձևաչափի մյուս մասնակիցների մերձեցմանը։


Այս բաժնի այլ նորությունները
Ամենաշատ ընթերցվածները
Yandex.Metrica