close
Եղանակը Երևանում
19 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
19 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՊՇՌ-թեստի գործողության ժամկետը 72-ից կրճատվել է մինչև 48 ժամ. «Ռոսպոտրեբնադզոր»

Առողջապահություն

8 Դեկտեմբերի 2021, 22:30
 ՊՇՌ-թեստի գործողության ժամկետը 72-ից կրճատվել է մինչև 48 ժամ. «Ռոսպոտրեբնադզոր»

«Ռոսպոտրեբնադզոր»-ը դեկտեմբերի 8-ից կրճատում է կորոնավիրուսի ՊՇՌ-թեստի գործողության ժամկետը՝ 72-ից հասցնելով 48 ժամի: Այդ մասին վկայում է պետական սանիտարական գլխավոր բժիշկ, «Ռոսպոտրեբնադզոր»-ի ղեկավար Աննա Պոպովայի որոշումը։

«Բացասական լաբորատոր հետազոտության գործողության ժամկետը, որն անցկացվում է ՊՇՌ մեթոդով, կազմում է 48 ժամ՝ սկսած COVID-19-ի լաբորատոր հետազոտության արդյունքի ժամանակից»,-ասվում է որոշման մեջ, որը դեկտեմբերի 7-ին հրապարակվել է իրավական տեղեկատվության պաշտոնական պորտալում: Փաստաթղթի համաձայն, այս առաջարկությունն ուժի մեջ է մտնում դեկտեմբերի 8-ից. ավելի վաղ թեստերի գործողության ժամկետը կազմում էր 72 ժամ:

Անցած շաբաթ Աննա Պոպովան հայտարարել է, որ ՊՇՌ-թեստերի գործողության ժամկետի կրճատման մասին որոշումն ընդունվել է ՌԴ-ում կորոնավիրուսի օմիկրոն շտամի՝ ՌԴ-ում տարածման ռիսկի ֆոնին: Որոշման մեջ նաեւ մատնանշվում է, որ COVID-19-ով հիվանդի հետ շփում ունեցած անձից կենսաբանական նյութի առումը տեղի է ունենում կլինիկական այն ախտանշանների ի հայտ գալու դեպքում, որոնք նման են կորոնավիրուսին: Նոյեմբերի 17-ին «Ռոսպոտրեբնադզոր»-ի ղեկավարը հայտարարել է, որ ՌԴ-ում սուր շնչառական վիրուսային վարակի նշաններ ունեցող քաղաքացիները պարտադիր կարգով կորոնավիրուսի թեստ են հանձնելու:

Կորոնավիրուսի В.1.1.529 տարատեսակը, որն ԱՀԿ-ում անվանել են հունական «օմիկրոն» տառով, հայտնաբերվել է ոչ միայն Աֆրիկայի հարավում, այլեւ Հոնկոնգում, Բելգիայում, Իտալիայում, Գերմանիայում, Շվեյցարիայում, Ֆրանսիայում, Կանադայում, Նիդեռլանդներում, Ավստրալիայում, Մեծ Բրիտանիայում, ԱՄՆ-ում եւ այլ երկրներում: ԱՀԿ-ի հայտարարության մեջ ասված է, որ այդ տարատեսակն «ունի մեծ թվով մուտացիաներ, որոնցից մի քանիսն անհանգստություն են առաջացնում»:

Մասնագետներն այն կարծիքին են, որ այն կարող է սպառնալիք ներկայացնել, քանի որ չափազանց արագ է տարածվում, քան մյուս շտամները, որոնք գիտնականները հայտնաբերել են համավարակի ժամանակաշրջանում, եւ պարունակում է մեծ քանակությամբ մուտացիաներ: Ռուսաստանում ներկա դրությամբ հաստատվել է օմիկրոնով վարակման երկու դեպք, երկու քաղաքացիներն էլ վիրուսը բերել են ՀԱՀ-ից, հաղորդել է «Ինտերֆաքս»-ը:

Արցախի ԱԱԾ-ն հերքում է
18 Հունվարի 2022, 20:06 Արցախի ԱԱԾ-ն հերքում է

Այս բաժնի այլ նորությունները
Ամենաշատ ընթերցվածները
Yandex.Metrica