close
Եղանակը Երևանում
16 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
16 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Աբովյան համայնքի ղեկավարի իշխանական թեկնածուի աշխատանքային ստաժի «մութ» կողմերը

Հասարակություն

2 Դեկտեմբերի 2021, 23:21
 Աբովյան համայնքի ղեկավարի իշխանական թեկնածուի աշխատանքային ստաժի «մութ» կողմերը

Առաջիկա ՏԻՄ ընտրություններում իշխանությունը Աբովյանի քաղաքապետի թեկնածուները ներկայացնում են 4 քաղաքական ուժ՝ «Բարգավաճ Հայաստան», «Հայ Յեղափոխական Դաշնակցություն», «Հանրապետություն» և իշխանական «Քաղաքացիական պայմանագիր»։

Քպական հավակնորդը «Հայանտառ»-ի տնօրենի պաշտոնակատարից այդպես էլ դեռ տնօրեն չդարձած՝ Պավել Ցուգունյանն է, որը վերջերս որպես քաղաքապետի թեկնածու հայտարարել էր, թե՝ «Աբովյանում վերջ է տրվելու կլանային համակարգին, հաստատվելու է իրավահավասարություն»։

Շրջակա միջավայրի նախարարության անտառային կոմիտեի կայքի տվյալներով՝ 2009-2016 թվականներին Ցուգունյանն աշխատել է ՌԴ-ում «ООО «Закнефтегазстрой-прометей» ընկերությունում։

Հետաքրքիր է, թե ինչպե՞ս է Ցուգունյանն իր՝ այս ոչինչ չասող աշխատանքային կենսագրությամբ ղեկավարում բազմաթիվ մասնաճյուղեր ունեցող Հայանտառը։

Փաստն այն է՝ Հայանտառ ՊՈԱԿ-ի տնօրենի պաշտոնակատար՝ անօրինություն է, քանի որ տվյալ պաշտոնը զբաղեցնող անձն առնվազն 3 տարվա մասնագիտական ստաժ պետք է ունենար։ Ինչ խոսք, նավթի և գազի ընկերությունը մասնագիտական չէր կարող լինել։

Եվ ահա՝ ցանկալի նպատակին հասնելու համար Ցուգունյանը և նրա անմիջական հովանավոր, Կոտայքի նախկին մարզպետ և շրջակա միջավայրի նախարար Ռոմանոս Պետրոսյանը /ով Ցուգունյանի հետ մոտավորապես նույն հարաբերության մեջ է, ինչ Փաշինյանը՝ աներձագ Հրաչի, այսինքն, օրինակը՝ վարակիչ է/ և Ցուգունյանը նոր աշխատավայր և նոր՝ «անտառային կուլտուրայի ինժեների» պաշտոն են «մոգոնում»։ Այնպիսի աշխատավայր, որն այլևս գոյություն չունի, լուծարված է և այնպիսի պաշտոն, որն ուղղակի համապատասխանեցված է տիրոջ պահանջմունքին։

Եվ այսպես, փաստաթղթերով Ցուգունյանը երեք տարուց քիչ ավելի /այնքան, որքան պետք է՝ ժ/պ-ն իր վրայից թոթափելու համար/ անտառային կուլտուրաների ինժեների պաշտոնն է զբաղեցրել ՌԴ Կրասնոդար քաղաքում գրանցված «MILESTA» ՍՊԸ-ում։

Այս ՍՊԸ-ի հիմնական գործունեությունը եղել է «Հացի և հացաբուլկեղենի մանրածախ առևտուրը՝ մասնագիտացված խանութներում»: Հացից, տորթերից և թխվածքաբլիթներից մինչև պաստառի և հատակի ծածկույթներ, մինչև մսի և թռչնամսի պահածոյացված մսի մանրածախ առևտուր և կաթնամթերքի և ձվի մանրածախ առևտուր իրականացնող «MILESTA» ՍՊԸ-ն /Հիմնադիր և տնօրեն՝ Վեներա Ալեքսանդրովնա Չեչելյան/ այսօր գոյություն չունի։

Կազմակերպությունը դադարեցրել է իր գործունեությունը, իրավաբանական անձը լուծարվել է 2019 թվականի սեպտեմբերի 27-ին։ Իհարկե, կարելի է հարցում կատարել և ճշտել, թե 2011-ից մինչև 2018 թվականի հունիսը «թղթերով» տվյալ ընկերությունում 3 տարի և մի քիչ՝ հատվածական կարգով «անտառային կուլտուրայի ինժեներ» աշխատած Ցուգունյանը որքա՞ն աշխատավարձ է ստացել, որտե՞ղ է դա արտացոլվել, և այլն, և այլն․․․Ի վերջո՝ սա ի՞նչ է՝ բենդերական «Կոտոշ և սմբա՞կ», թե՞ իրական աշխատավայր։ Սրանք հարցեր են, որ հստակություն են պահանջում։

Նյութն ամբողջությամբ՝ սկզբնաղբյուր կայքում:

Այս բաժնի այլ նորությունները
Ամենաշատ ընթերցվածները
Yandex.Metrica