close
Եղանակը Երևանում
22 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
22 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պետք է մի կարգին տղա գա իշխանության, բոլորին ծեծելով տանի իմ ասած ճանապարհով․․․ ռևանշ լինելու է. Աշոտ Ավագյան

Հասարակություն

29 Նոյեմբերի 2021, 21:17
 Պետք է մի կարգին տղա գա իշխանության, բոլորին ծեծելով տանի իմ ասած ճանապարհով․․․ ռևանշ լինելու է. Աշոտ Ավագյան

«Սիսական» ջոկատի կամավորական, Հայ Հեղափոխական Դաշնակցության անդամ, նկարիչ Աշոտ Ավագյանի խոսքով՝ Սյունիքում և առհասարակ Հայաստանում ստեղծված իրավիճակից ելքը գաղափարախոսությունն է՝ միացյալ հայրենիքը։

«Ելակետ ընդունելով այդ գաղափարախոսությունը, թող դա լինի ելակետ, կոնցեպտ կամ լոզունգ, առաջիկա, չգիտեմ, 20 կամ 30 տարիների ընթացքում մենք նորից պետք է փորձենք հայրենիքի այն մասը, որը միացյալ էր և մեկ տարի առաջ վերացավ՝ նորից վերականգնենք ու մտածենք հաջորդ մասերի մասին։ Մնացածն ամբողջը հեքիաթ է, ասում են՝ մենք Սյունիքը չենք տա, այն ինչպե՞ս չեն տա, հադրութեցուց կամ շուշեցուց լա՞վն են»,- 168.am-ի հետ զրույցում ասաց Աշոտ Ավագյանը։

Ըստ նրա, իր նշած ժամանակից մեկ տարին արդեն բաց են թողել։

«Պետք է մի կարգին տղա գա իշխանության, բոլորին ծեծելով տանի իմ ասած ճանապարհով, հայրենիքի գաղափարը, որպես այդպիսին, պետք է իրականություն դառնա։ Մնացածը սուտ է, համոզելը, դեմոկրատիան, չկա նման բան, պետք է ուղղակի մի բռունցքով տղա գա, կարծում եմ՝ այդ տղան Ռոբերտ Քոչարյանն է, վստահ եմ, որ էլի կան լավ տղաներ, բայց առայժմ նա է։ Պետք է մտրակը վերցնի և բոլորին ծեծի՝ օտար ու յուրային էական չէ, սա է առայժմ փրկությունը։ Հոմո-սափիենսը որ եղել է, ամբողջ պատմությունը նայեք, ամբողջը հարատև կռիվ է, ուզում են այս արևի տակ ապրեն, պետք է կռիվ անեն»,- հավելեց նա։

Ինչ վերաբերում է ստեղծված իրավիճակում մտավորականության անելիքներին, Աշոտ Ավագյանը նկատեց՝ մտավորականությունից ինչ կախված է՝ անում է։

«Մտավորականը կարող է ընդամենը 5 հոգու համոզել։ Հիմա ընդդիմության մեջ ով խոսում է, մտավորական է, բայց բողոքում են, թե մտավորականություն չկա։ Մտավորականն էլ ժողովրդի ծոցից ծնված մարդն է։ Հիմա նայում եմ՝ մտավորականնությունն է պետության համար խոսում,- շեշտեց Աշոտ Ավագյանը և եզրափակելով խոսքը՝ ասաց,- Հակառակ ամեն ինչի` ռևանշ լինելու է»։

Աղբյուրը՝  168.am

Այս բաժնի այլ նորությունները
Ամենաշատ ընթերցվածները
Yandex.Metrica