close
Եղանակը Երևանում
21 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
21 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երբ ժողովուրդը դուրս գա և ասի՝ պատրաստ չենք նոր կապիտուլյացիայի, իշխանությունները հաջորդ օրը կհեռանան․ ԱԺ փոխնախագահ

Քաղաքական

24 Սեպտեմբերի 2021, 12:50
 Երբ ժողովուրդը դուրս գա և ասի՝ պատրաստ չենք նոր կապիտուլյացիայի, իշխանությունները հաջորդ օրը կհեռանան․ ԱԺ փոխնախագահ

Այս մարդիկ իրենց կառավարության ծրագրում չեն թաքցրել, այլևս չեն ասում, որ՝ նոր փոխզիջումների չենք գնալու, նոր կապիտուլյացիայի չենք գնալու, նրանք դա փորձում են հիմնավորել, ասել, թե այդ տարածքները ադրբեջանական են․ լրագրողների հետ զրույցում այսօր նշեց խորհրդարանի փոխնախագահ, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը՝ անդրադառնալով իշխանության կողմից սպասվող նոր զիջումների մասին խոսակցություններին։

«Իրենք գտել են, իրենց կարծիքով, ամենահարմար ձևը՝ ասել, որ տարածքները մերը չեն, ժողովրդին համոզել, տալ թուրքերին և հարցը փակել։ Հասկանո՞ւմ եք՝ ո՞ւր ենք հասել, երբ ՀՀ տարածքում գերի ընկածին վերադարձնելը մեծ պետական ձեռքբերում է համարվում։ Ողբերգությունն այն է, որ իրենք ասում են, թե դա մեր տարածքը չէ»,- ասաց Սաղաթելյանը։

Նա իր խոսքում նշեց, որ համայնքների խոշորացման գործընթացն ապօրինի է, այն կատարվում է Սահմանադրական դատարանի 2021 թվականի մայիսին ընդունված որոշման կոպիտ խախտմամբ, որով սահմանվել է համայնքների խոշորացման երկու պայման՝
▪️ լսվելու իրավունքը (փոքր համայնքների դեպքում),
▪️ տեղական հանրաքվեի անցկացումը (խոշոր համայնքների դեպքում):
 
Սաղաթելյանը ընդգծեց, որ համայնքների և համայնքային բնակչության շահն ու կարծիքը ամբողջովին անտեսված են: «Այս ձևով խոշորացումն ունի միայն իրենց քաղաքական շահը սպասարկելու նպատակ, այն է՝ ազատվել անցանկալի համայնքապետերից: Մենք դեմ չենք համայնքների խոշորացման սկզբունքին, բայց ոչ՝ այս ձևով և այսպես հապճեպ կերպով: Որոշ համայնքների պարագայում վերականգնվել են նախկին ԽՍՀՄ շրջանները: Այլ պարագայում մեկ համայնք է կցվել այլ խոշորացված համայնքին՝ զուտ համայնքապետից ազատվելու համար՝ առաջնորդվելով ՔՊ-ի համար ցանկալի համայնքապետի թեկնածուի առկայությամբ»,- նշեց ԱԺ փոխնախագահը՝ հավելելով, որ, չնայած համայնքային բնակչության շրջանում առկա մեծ դժգոհությանը, շատ համայնքապետեր, վախենալով իշխանության քաղաքական հետապնդումներից, խուսափում են բողոքի ձայն բարձրացնել:
 
«Կոչ ենք անում համայնքնապետերին և համայնքային բնակչությանը՝ պայքարել իրենց իրավունքների համար»,- ասաց Սաղաթելյանը։
Երիտասարդները հարցեր ունեն
20 Հոկտեմբերի 2021, 21:24 Երիտասարդները հարցեր ունեն

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica