close
Եղանակը Երևանում
17 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
17 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ավստրալիայի (ACT) լիբերալ երիտասարդական շարժումը միաձայնությամբ ճանաչել է Հայոց ցեղասպանությունը

Քաղաքական

2 Օգոստոսի 2021, 12:43
 Ավստրալիայի (ACT) լիբերալ երիտասարդական շարժումը միաձայնությամբ ճանաչել է Հայոց ցեղասպանությունը

Հայ դատի Ավստրալիայի հանձնախումբը հայտնում է` Ավստրալիայի մայրաքաղաքային տարածքի (ACT) լիբերալ երիտասարդական շարժումը միաձայնությամբ ճանաչել է 1915-1923թթ․ Օսմանյան Թուրքիայի կողմից իրականացված հայերի, հույների եւ ասորիների ցեղասպանությունը։

Երիտասարդական շարժումը ճանաչել է նաեւ Արցախի Հանրապետության ժողովրդի ինքնորոշման իրավունքը՝ քննադատելով Արցախի բնիկ ժողովրդի դեմ հարձակումները` դրանք դիտարկելով որպես Հայոց ցեղասպանության շարունակականություն։

Բանաձևի ընդունումն առաջնորդել է ավստրալահայ Սոֆի Բյորկմանը, որը նույն երիտասարդական շարժման ակտիվիստներից է։

Այս առիթով Հայ դատի Ավստրալիայի հանձնախմբի գործադիր տնօրեն Հայկ Կայսերյանը նկատել է․ «Հիանալի է տեսնել քաղաքականապես ակտիվ երիտասարդ ավստրալացիների, այս երկրի ապագա առաջնորդների դիրքորոշումը մարդու իրավունքների այնպիսի կարևոր հարցերի վերաբերյալ, ինչպիսիք են հայերի, ասորիների և հույների ցեղասպանությունները, ինչպես նաև Արցախի Հանրապետության ինքնորոշման իրավունքը։

Մենք շնորհակալ ենք տիկին Բյորկմանին և նրա գործընկերներին ճշմարտության և արդարության կողմը կանգնելու համար: Մենք շարունակում ենք պահանջել դաշնային կառավարությունից` համարձակություն ունենալ` հետևելու նման քայլերին և ճանաչելու 20-րդ դարի առաջին ցեղասպանությունը և դատապարտելու դրա շարունակությունը՝ Թուրքիայի կողմից աջակցվող ադրբեջանական բռնապետական ռեժիմի կողմից Արցախում հայերին իրենց հայրենիքից վտարելու փորձը»։


ՀՅԴ Բյուրոյի Հայ Դատի կենտրոնական գրասենյակ
02.08.2021 թ.

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica