close
Եղանակը Երևանում
17 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
17 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄՆ-ը տրիլիոններ է ծախսել Իրաքում և Աֆղանստանում, բայց՝ ոչ մի արդյունք. ԿՀՎ նախկին սպա

Աշխարհ

27 Հուլիսի 2021, 16:39
 ԱՄՆ-ը տրիլիոններ է ծախսել Իրաքում և Աֆղանստանում, բայց՝ ոչ մի արդյունք. ԿՀՎ նախկին սպա

ԿՀՎ ռազմական հետախուզության նախկին սպա Ֆիլիպ Հիրալդին խոստովանել է, որ ԱՄՆ-ը տրիլիոնավոր դոլարներ է կորցրել Աֆղանստանի և Իրաքի պատերազմներում և չի կարողացել հասնել իր նպատակներին:

Հիրալդին հարցազրույցում ասել է, որ ամերիկյան զորքերը հեռանում են Աֆղանստանից շուրջ 20 տարի տևած պատերազմից հետո, իսկ Բայդենի վարչակազմի վրա ճնշումը մեծանում է՝ Իրաքից ամերիկյան բոլոր զորքերը դուրս բերելու համար:

«Ոչ միայն Իրաքում և Աֆղանստանում պատերազմներն են վատթարացրել իրավիճակը, այլ նաև այն փաստը, որ Միացյալ Նահանգներում ոչ ոք չի կարողացել սահմանել հաղթանակը և ելքի ռազմավարություն մտածել, ինչը նշանակում է, որ պատերազմի հետևանքները և անկայունությունը շարունակվում են։ Հազարավոր մարդիկ են զոհվել, տրիլիոնավոր դոլարներ են ծախսվել ապարդյուն»,– նշել է նա։

ԿՀՎ նախկին պաշտոնյան ցավով ընդգծել է, որ «Իրաքն այժմ շատ ամուր հարաբերություններ ունի Իրանի, այլ ոչ թե Վաշինգտոնի հետ: Իրաքի խորհրդարանը փաստացի պահանջել է ամերիկյան զորքերից՝ հեռանալ երկրից»:

Այս պահանջը անտեսվեց ինչպես Դոնալդ Թրամփի, այնպես էլ Բայդենի կողմից: Փաստորեն, Թրամփը սպառնացել է առգրավել իրաքյան բանկային ակտիվները, որպեսզի ստիպի իրաքցիներին՝ ընդունել ԱՄՆ շարունակվող օկուպացիան:

Հիրալդին քննադատել է նաև Սիրիայում ամերիկյան ներկայությունը՝ նշելով, որ այն կա, չնայած հանգամանքին, որ Սիրիայի նախագահ Բաշար Ասադի կառավարությունը չի հրավիրել Միացյալ Նահանգներին՝ միջամտել այդ երկրում երկարատև քաղաքացիական պատերազմին: «ԱՄՆ զորքերը ապօրինաբար են Սիրիայում և շարունակում են գրավել նավթային հանքավայրերը, որ զրկեն սիրիական կառավարությանը խիստ անհրաժեշտ ռեսուրսներից: Իրաքը և Սիրիան ոչ մի վտանգ չեն ներկայացնում Միացյալ Նահանգների համար»,- ասել է Հիրալդին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica