close
Եղանակը Երևանում
17 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
17 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան ահաբեկիչների համար հիմնական լոգիստիկ կենտրոնն է. զեկույց՝ ՄԱԿ–ի ԱԽ–ին

Աշխարհ

27 Հուլիսի 2021, 11:15
 Թուրքիան ահաբեկիչների համար հիմնական լոգիստիկ կենտրոնն է. զեկույց՝ ՄԱԿ–ի ԱԽ–ին

Թուրքիայում ապրող ույղուրական, թուրքմենական և միջինասիական միգրանտները ծառայում են որպես արմատական իսլամիստական ահաբեկչական կազմակերպություններին անդամակցելու զգալի «պահեստ»։ Այս մասին ասվում է ՄԱԿ-ի Անվտանգության խորհրդին ներկայացված զեկույցում. հայտնում է Ahvalnews-ը:

«Սիրիայի հյուսիսում գտնվող Իդլիբ նահանգում «Իսլամական պետության» անդամները Թուրքիան տեսնում են որպես կարևոր դարպաս»,- նշվում է 22 էջանոց զեկույցում, որն անդրադառնում է 2021 թ. ահաբեկչական սպառնալիքներին։

Ըստ զեկույցի՝ ահաբեկչական կազմակերպությունները, ինչպիսիք են ԻՊ-ը և «Ալ Քաիդա»-ն, աշխատում են Թուրքիայում բնակվող թյուրքական ծագմամբ մարդկանց իրենց խմբերում ներառելու ուղղությամբ։ Նշվում է, որ ԻՊ-ի մի շարք զինյալներ են ձերբակալվել Հաթայ նահանգի հարավային դարպասով Թուրքիա մտնելու փորձ կատարելիս:

Թուրքիան երկար ժամանակ վայելում էր Սիրիա և Իրաք ուղևորվող՝ ԻՊ-ի օտարերկրյա  գրոհայինների երթուղու համբավը և մեղադրվում էր այն բանի համար, որ առաջնահերթ չի համարել ջիհադիստական կազմակերպություններիցեկող վտանգը։

ԻՊ-ն իր ֆինանսավորման հույսը շարունակում է դնել Թուրքիայի ներսում գտնվող «նյութատեխնիկական կենտրոնների» վրա. ասվում է ԱՄՆ ֆինանսների նախարարության հունվարյան զեկույցում:

Ըստ Ankara Gazetecisi լրատվական կայքի՝ ապրիլին Թուրքիան քաղաքացիություն է շնորհել ԻՊ-ի ութ անդամի:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica