close
Եղանակը Երևանում
28 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
28 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրաքը օտարերկրյա զորքերի ներկայության կարիք չունի. Իրաքի վարչապետ

Աշխարհ

26 Հուլիսի 2021, 15:02
 Իրաքը օտարերկրյա զորքերի ներկայության կարիք չունի. Իրաքի վարչապետ

ԻՊ-ի ահաբեկիչների դեմ պայքարելու համար Իրաքն այլևս կարիք չունի օտարերկրյա ռազմական զորակազմերի ներկայության: Այս մասին հայտարարել է Իրաքի վարչապետ Մուստաֆա ալ Կազիմին Վաշինգտոնում Սպիտակ տան ղեկավար Ջո Բայդենի հետ հանդիպման նախօրեին:

Նրա խոսքով՝ Իրաքի անվտանգության ուժերն ի վիճակի են պաշտպանել երկիրը՝ առանց ԱՄՆ-ի գլխավորած միջազգային կոալիցիայի աջակցության:

«Իրաքից օտարերկրյա զորքերի դուրսբերման ժամանակացույցը որոշվելու է՝ կախված ԻՊ-ի ահաբեկիչների դեմ անկախ գործողություններ իրականացնելու՝ Իրաքի անվտանգության ուժերի հնարավորություններից: Իրաքի անվտանգության ուժերին անհրաժեշտ է որոշակի ժամկետ՝ ԻՊ-ի դեմ պայքարին նախապատրաստվելու համար, և դա կորոշվի Վաշինգտոնում ընթացող բանակցություններից հետո»,- ասել է Կազիմին:

Վարչապետը հավելել է, որ Իրաքը հույս է դնում անվտանգության ոլորտում ԱՄՆ-ի հետ համագործակցության վրա, մասնավորապես՝ Իրաքի անվտանգության ուժերի ուսուցմանը օժանդակելու վրա:

2020 թվականի վերջի դրությամբ Իրաքում պաշտոնապես գտնվում են 2500 ամերիկացի զինվորականներ, որոնք տեղակայված են հիմնականում երկրի հյուսիսում և արևմուտքում գտնվող երկու հենակետերում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica