close
Եղանակը Երևանում
24 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
24 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փաշինյանական իշխանությունը ոչ ադեկվատ է, և սա փաստ է, որն, ի դեպ, ամենամեծ սպառնալիքն է. Արման Աբովյան

Քաղաքական

24 Հուլիսի 2021, 09:10
 Փաշինյանական իշխանությունը ոչ ադեկվատ է, և սա փաստ է, որն, ի դեպ, ամենամեծ սպառնալիքն է. Արման Աբովյան

Զառանցանքը, թե փաշինյանական կառավարությունը բերեց «խաղաղության և բարգավաճման» դարաշրջան, կոտրվում է հայկական տարածքների օկուպացիայի, Հայաստանի գնդակոծման, թուրք-ադրբեջանական ահաբեկիչների կողմից ՀՀ քաղաքացիների հափշտակման և առևանգման, հայ զինվորականների սպանության առաջ: Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության պատգամավոր Արման Աբովյանը:

Նրա գրառումը՝ ստորև.

«Գեղարքունիքում այսօր տեղի ունեցած փոխհրաձգությունը, Երասխում առկա լարվածությունը և Սյունիքում ենթադրյալ սրացումը ապացուցում են ներքոհիշյալ երկու հիմնական թեզերը:

Բայց մինչ հերթական ռազմական լարվածության պատճառներին և հետևանքներին անցնելը, անհրաժեշտ է անհապաղ վերապահում անել, որ այս իրավիճակը զարգացել է բացառապես փաշինյանական իշխանությունների կողմից աշխարհաքաղաքական իրողությունների անտեղյակության և իրավիճակը կանխատեսելու անկարողության պատճառով:

Զառանցանքը, թե փաշինյանական կառավարությունը բերեց «խաղաղության և բարգավաճման» դարաշրջան, կոտրվում է հայկական տարածքների օկուպացիայի, Հայաստանի գնդակոծման, թուրք-ադրբեջանական ահաբեկիչների կողմից ՀՀ քաղաքացիների հափշտակման և առևանգման, հայ զինվորականների սպանության առաջ:

Փաշինյանական իշխանությունը ոչ ադեկվատ է և սա փաստ է, որն, ի դեպ, ամենամեծ սպառնալիքն է:

Այսպիսով․

1․Ադրբեջանը միտումնավոր հրահրում է ռազմական լարվածություն՝ դրանով ճանապարհ հարթելով ոչ միայն հնամենի հայկական տարածքների օկուպացիան օրինականացնելու համար, այլև հրահրելու ռազմական բախում, ինչը ինդուլգենցիա կհանդիսանա նրանց Հայաստանի տարածքի հետագա ներխուժման համար:

2․ Ալիևը բոլոր հնարավոր ձևերով շտապեցնում է փաշինյանական իշխանություններին անհապաղ սկսել աշխատանքը սահմանի դելիմիտացիայի և դեմարկացիայի ուղղությամբ ՝ այդպիսով փորձելով իրավաբանորեն օրինականացնել իրենց կողմից Հայաստանի օկուպացված տարածքները և հասնել Հայաստանի ինքնիշխան տարածքի մի մասի կամավոր փոխանցմանը Ադրբեջանին:

Ի դեպ, դելիմիտացիայի և դեմարկացիայի գործընթացը ոչ միայն Հայաստանի մասնատումն է, այլ նաև Ադրբեջանի կողմից Արցախի Հանրապետության ինքնիշխան տարածքների օկուպացիայի օրինականացումը:

Այնպես որ սադրանքները կշարունակվեն:

Ի դեպ, Հայաստանի իշխանությունների բոլոր հեքիաթները, թե իբր Ալիևը խափանում է դելիմիտացիան և դեմարկացիան, կրկին ՀՀ իշխանությունների կողմից շատ մտածված քայլ է, ովքեր կրկին ինքնասպան «դելիմիտացիայի և դեմարկացիայի» իրենց համաձայնությունը կներկայացնեն որպես «հաղթանակ»:

Բայց եթե դելիմիտացիա սկսվի, այդ դեպքում միայն ադրբեջանա-թուրքական կողմը կհաղթի:
Եզրակացությունները թողնում եմ ձեզ:

Այո՛, կարծում եմ ՝ առայժմ ամեն ինչ ձեզ մոտ կարգին է, քանի դեռ թուրքը կացինը ձեռքին չի մտել ձեր ննջասենյակ:

Ապագա Կա՛...վայելեք»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica