close
Եղանակը Երևանում
30 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
30 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Վերելք» բիզնես ճամբարի ամփոփիչ մրցույթին հաղթել են 3 մասնակիցներ

Հասարակություն

19 Հունիսի 2021, 19:38
 «Վերելք» բիզնես ճամբարի ամփոփիչ մրցույթին հաղթել են 3 մասնակիցներ

Սույն թվականի հունիսի 18-ին կայացել է ՀՅԴ Բյուրոյի երիտասարդական գրասենյակի և ՀՅԴ Արցախի երիտասարդական միության նախաձեռնած «Վերելք» բիզնես ճամբարի ամփոփիչ մրցույթը և եզրափակիչ արարողությունը։

«Վերելք» բիզնես ճամբարի ամփոփիչ արարողության մեկնարկին ելույթի խոսքով հանդես են եկել ՀՅԴ Բյուրոյի անդամ Հովսեփ Տեր-Գևորգյանն ու ՀՅԴ Արցախի ԿԿ անդամ Վահագն Դադայանը։

Եզրափակիչ փուլ անցած լավագույն 13 թիմերը ժյուրիին են ներկայացրել իրենց բիզնես նախագծերը, որոնց մշակման համար շուրջ 4 ամիս մասնակիցները մասնակցել են տարաբնույթ դասընթացների։

Մասնակիցները ժյուրիի և հանդիսատեսի դատին են հանձնել սրճարանների, շրջիկ գրադարանի, հագուստի արտադրության, ջերմոցների, մոմերի արտադրության, օնլայն խաղերի, ազնվամորու աճեցման և մի շարք այլ նախագծեր։

 
 

Արդյունքում ժյուրիի կողմից ընտրվել և ֆինանսավորվել է 3 բիզնես նախագիծ, իսկ եզրափակիչ փուլի բոլոր մասնակիցներն արժանացել են 250 ԱՄՆ դոլար դրամաշնորհի և հավաստագրերի։

Վահե Մարտիրոսյանի «Մարտիրոսյան բերրի» ,

Սյուզաննա Մարգարյանի «Շուշվա նեկտար»

և Տիրուհի Գասպարյանի «Նրբաստեղծ» բիզնես նախագծերն արժանացել են 8,1 մլն դրամի ներդրման։

Որոշ նախագծերի համար ժյուրիի որոշմամբ տրվել է հավելյալ 2 ամիս ժամանակ, որպեսզի որոշ շտկումներից հետո այն կրկին ներկայացվի ժյուրիի դատին։

Հիշեցնենք, որ «Վերելք» բիզնես ճամբարին նախորդել է «Արցախի երիտասարդության կարողականությունների և հմտությունների զարգացում» ծրագիրը, որին մասնակցել են արցախցի 109 երիտասարդներ, որոնց համար շուրջ 40 դասախոսներ հանդես են եկել թեմատիկ դասախոսություններով։

Ծրագրի նպատակն էր Արցախի երիտասարդությանը զինել գործնական գիտելիքներով, տեխնիկական հմտություններով և ֆինանսական կապիտալով՝ իրենց բիզնես գործունեությունն Արցախում սկսելու համար: Ծրագիրը հովանավորվել է ACAA Artsakh Fund / Արցախ ֆոնդի կողմից։

 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica