close
Եղանակը Երևանում
27 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
27 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նեթանյահուն հեռացավ, Իրանը մնաց. Թեհրանը չի ակնկալում որևէ առաջընթաց Իսրայելի քաղաքականության մեջ

Տարածաշրջան

15 Հունիսի 2021, 17:40
 Նեթանյահուն հեռացավ, Իրանը մնաց. Թեհրանը չի ակնկալում որևէ առաջընթաց Իսրայելի քաղաքականության մեջ

Իսրայելում նոր կառավարության իշխանության գալու հաջորդ օրը Իրանի արտաքին գործերի նախարարությունը թերահավատություն է հայտնել նոր ղեկավարությամբ հրեական պետության քաղաքականության ցանկացած փոփոխության վերաբերյալ. գրում է The Times of Israel-ը։

«Իրանի թշնամիները հեռացել են, բայց հզոր Իրանը դեռ այստեղ է: Մենք չենք կարծում, որ Իսրայելի քաղաքականությունը կփոխվի` նոր կառավարության գալով»»,- ասել է Իրանի արտաքին գործերի նախարարության խոսնակ Սայիդ Խաթիբզադեn:

Անցյալ կիրակի վարչապետի պաշտոնում հաստատվելուց անմիջապես հետո «Յամինա» ազգայնական աջակողմյան կուսակցության Նաֆթալի Բենեթը Կնեսետում ելույթում ասաց, որ իր վերաբերմունքն Իրանի նկատմամբ համընկնում է հեռացող կառավարության ղեկավար Բինյամին Նեթանյահուի վերաբերմունքի հետ: Բենեթը, սակայն, խստորեն դեմ է 2015-ի միջուկային գործարքին Միացյալ Նահանգների վերադարձին: Այնուամենայնիվ, ակնկալվում է, որ Իսրայելի նոր կառավարությունը փակ դռների հետևում կպահի իր տարաձայնությունները Միացյալ Նահանգների հետ. նշում է The Times of Israel-ը:

Բենեթը պնդում է, որ իրանական միջուկային ծրագիրը «մոտենում է շրջադարձային կետի»: «Իսրայելը թույլ չի տա Իրանին՝ միջուկային զենք ստեղծել: Իսրայելը (միջուկային) գործարքի կողմ չէ և կպահպանի գործողությունների լիակատար ազատությունը»,- ասել է երկրի նախկին պաշտպանության նախարարն ու ներկայիս վարչապետը:

Վաշինգտոնին ուղղված իր ուղերձում նա հավելել է. «Միջուկային գործարքի երկարաձգում սխալ է»:

Այսպես, թե այնպես, արևմտյան փորձագետները համաձայն են, որ նախագահ Դոնալդ Թրամփի և վարչապետ Նեթանյահուի հեռանալը վերացնում է ԱՄՆ-ի վերջին խոչընդոտները միջուկային գործարքին վերադառնալու և Թեհրանի դեմ որոշ պատժամիջոցներ վերացնելու ճանապարհին։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica