close
Եղանակը Երևանում
23 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
23 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ «Քաղաքացիական պայմանագիրը» երեխաներին ներգրավում է իրենց քարոզչության մեջ․ իրավապաշտպան

Իրավունք

14 Հունիսի 2021, 14:58
 ՏԵՍԱՆՅՈՒԹ․ «Քաղաքացիական պայմանագիրը» երեխաներին ներգրավում է իրենց քարոզչության մեջ․ իրավապաշտպան

«Քաղաքացիական պայմանագիր» կուսակցությունը համակարգային ձեւով երեխաներին ներգրավում է իրենց քարոզչության մեջ։  Միջազգային ստանդարտները հետեւյալն են՝ երեխաներին կարող են ներգրավել հավաքներում, քաղաքական գործընթացներում բացառապես այն պարագայում, երբ նրանց համար, տարիքը, զարգացման մակարդակը հաշվի առնելով, գիտակցելի է ներգրավման նպատակը, նրանք հասկանում են՝ ինչի մասին է խոսքը․ ըստ Yerkir.am-ի՝ ասաց Ընտրությունների վերահսկման կոմիտեի անդամ, իրավապաշտպան Ռուբեն Մելիքյանը։

Նա միջազգային ստանդարտները ներկայացրեց, թե որ դեպքում կարելի է երեխաներին տանել հավաքների ու ցույցերի։ Իրավապաշտպանի խոսքով՝ «Քաղաքացիական պայմանագիր» կուսակցությունը երեխաներին հագցնում է իր քարոզչական շապիկներն ու կանգնեցնում հավաքների առաջին շարքերում։

«Նրանք հասկանո՞ւմ են՝ իրենց ներգրավում են այս քարոզչության մեջ այն մարդիկ, որոնք մի քանի ամիս առաջ պատերազմ էին ղեկավարում, եւ որի արդյունքում մենք կորցրեցինք մեր հայրենիքի հսկայական հատվածը, հազարավոր զոհեր, տնավեր մարդիկ։ Նրանք պետք է ունակ լինեն գիտակցելու»,- նշեց Ռուբեն Մելիքյանը։

Նրա խոսքով՝ ծնողները պետք է պարզեն, թե ով եւ ինչպես է իրենց երեխաներին ներգրավել նախընտրական քարոզարշավի մեջ։ 

«Անգամ այն դեպքում, երբ ծնողներն իրենք են ներգրավում իրենց երեխաներին, այդտեղ եւս կարող են լինել խնդիրներ։ «Քաղաքացիական պայմանագրի» նկատմամբ հանրության մեջ կա շատ լուրջ բացասական վերաբերմունք։ Այն երբեմն դրսեւորվում է հայհոյանքներով եւ ոչ բարյացակամ վերաբերմունքով։ Երեխաներն են, օրինակ, բուկլետ բաժանում, որ չհայհոյեն, խնդիրներ չլինեն։ Բայց դա ընդունելի չէ։ Հնարավոր է ներգրավման պատճառներից մեկն էլ սա է, որովհետեւ համակարգային բնույթ է կրում»,-  կոմիտեի անդամների հաշվետվության ժամանակ ասաց իրավապաշտպանը։

Մանրամասն՝ տեսանյութում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica