close
Եղանակը Երևանում
30 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
30 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Եթե ամեն ինչ նորմալ է, ինչի՞ համար դու պետք է կառավարության նույնիսկ տեղը իմանաս․ Քոչարյան

Քաղաքական

14 Հունիսի 2021, 14:10
 ՏԵՍԱՆՅՈՒԹ․ Եթե ամեն ինչ նորմալ է, ինչի՞ համար դու պետք է կառավարության նույնիսկ տեղը իմանաս․ Քոչարյան

Լավ աշխատող կառավարությունն այն է, որի մասին մարդիկ չեն էլ լսում՝ ըստ Yerkir.am-ի ասաց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը Էջմիածնում՝ ընտրողների հետ հանդիպմանը։  

«Եթե դու ոռոգման ջուր ունես, եթե ամեն ինչ նորմալ է, տրանսպորտը նորմալ է աշխատում, ինչի՞ համար դու պետք է կառավարության նույնիսկ տեղը իմանաս։ Այս 3 տարում կառավարության շենքի առջև այնքան ցույցեր եղան, որ ոնց որ ամեն օր մեզ ասեին՝ կա՛ կառավարություն, կա՛ կառավարություն, կա՛ կառավարություն»,-նկատեց նա։

Քոչարյանի խոսքով՝ ամենից լավ կառավարությունն այն է, որին մարդիկ ամեն օր չեն նկատում, ամեն օր նկատելը նշանակում է՝ ամեն օր պրոբլեմ է ստեղծում, ու մարդիկ հիշում են, որ այս կամ այն գործը պետք է անի ու չի անում։

Ժամացույցի պես աշխատող պետական համակարգը պետք է աննկատելի լինի, ասաց նա, բայց մարդկանց կյանքում նրա արած գործը պետք է ամեն օր նկատելի լինի՝ մարդկանց կյանքի որակի բարելավման առումով։

«Այս քաղաքական թիմի անճարությունը բերեց ողբերգության, բերեց պատերազմի, կորուստների։ Մենք ասում ենք՝ սա այն քաղաքական թիմն է, որը պատրաստ է այս գահավիժումը կանգնեցնել, վերականգնել երկրի կառավարելիությունը և զբաղվել ձեր հոգսերով, անել ամեն ինչ, որ շատ կարճ ժամանակ հետո դուք՝ ամենդ, զբաղվեք ձեր գործերով, ամեն ինչ նորմալ գնա կենցաղում, հանրային ծառայություններում, այն գործերում, որով պետք է զբաղվի կառավարությունը, ոչ թե ամեն մի քաղաքացի»,-ասաց Ռոբերտ Քոչարյանը։

Մանրամասն՝ տեսանյութում․ 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica