close
Եղանակը Երևանում
14 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
14 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Երկու քաղաքական ուժերը երկրորդ նախագահի առաջնորդութեամբ կարող են մեր երկիրն այս ծանրագոյն վիճակից հանել»․ Սիմոն Սիմոնեան

Քաղաքական

11 Մայիսի 2021, 09:38
 «Երկու քաղաքական ուժերը երկրորդ նախագահի առաջնորդութեամբ կարող են մեր երկիրն այս ծանրագոյն վիճակից հանել»․ Սիմոն Սիմոնեան

ՀՅԴ Գերագոյն մարմնի նախագահ Սիմոն Սիմոնեանը հասարակութեան հետ շփուելով նկատել է՝ քաղաքացիներն, ընդհանուր առմամբ, դրական են վերաբերւում ՀՅԴ-ի և «Վերածնուող Հայաստան»-ի ստեղծած «Հայաստան» դաշինքին, որը գլխաւորում է Ռոբերտ Քոչարեանը։

«Հորիզոն»-ի թղթակցի հետ զրոյցում Սիմոն Սիմոնեանն ընդգծեց՝ Արցախի առաջին և Հայաստանի երկրորդ նախագահ Ռոբերտ Քոչարեանը ճգնաժամային իրավիճակներում երկիրը ղեկավարելու և այդ ճգնաժամերը յաղթահարելու փորձ ու խոհեմութիւն ունի։ Այդ փաստը յոյս է ներշնչում, որ երկու քաղաքական ուժերը երկրորդ նախագահի առաջնորդութեամբ կարող են մեր երկիրն այս ծանրագոյն վիճակից հանել։

«Կարծում եմ՝ ընտրութիւնների արդիւնքը կը լինի մեր ակնկալածը։ Դեռ նոյեմբերի 9-ից մենք մեր առաջ այս դաւաճանին հեռացնելու նպատակ էինք դրել։ Մենք առանց Նիկոլ Հայաստան ունենալու նպատալ էինք դրել մեր առաջ, և հիմա այդ նպատակին կարող ենք հասնել ընտրութեան միջոցով», — նշեց Սիմոն Սիմոնեանը։
ՀՅԴ Գերագոյն մարմնի նախագահի խօսքով՝ մեր ժողովրդի մէջ կայ մի խա՚ւ, որին պէտք է արթնացնել, դարձի բերել։ Թէև նախընտրական քարոզարշաւ իրականացնելու համար սեղմ ժամկէտ է մնալու, այդուամենայնիւ, ըստ Սիմոն Սիմոնեանի, ջանասիրաբար աշխատելու դէպքում հնարաւոր է դա անել։

Նա ընդգծեց, որ պատերազմից յետոյ մենք ունենք մօտաւորապէս 5 հազար զոհ, 10 հազար վիրաւոր․ այդ տղաների ընտանիքները սթրես են տարել և դեռևս սթրեսից դեռ դուրս չեն եկել․ հարկ է այդ մարդկանց միջից հանել յուսահատութիւնն ու ապագային նայելու յոյս տալ այդ մարդկանց։

«Մի խաւ էլ կայ, ինչպիսին եղել է տարբեր ժողովուրդների պատմութեան մէջ՝ այդ թւում մեր։ Այդ մարդիկ հիմնականում ունեն առօրեայ խնդիրներ, նրանց համար հայրենիք հասկացութիւնը, ազգայինը չի արմատաւորուել։ Նրանք իրենց ստամոքսն իրենց հայրենիքն են համարում։ Այդ մարդկանց հետ աշխատելը, նրանց արթնացնելն ու դարձի բերելը դժուար է՝ յատկապէս, որ այս մանիպուլացիաները, խաբեբայութիւնը, ստախօսութիւնը կայ․ օր է լինում, որ երկրի ղեկավարը երեք անգամ սուտ է ասում՝ սուտը ստի ետևից։ Վերոնշեալ մարդկանց հետ, ինչպէս ասացի, բարդ է աշխատելը, բայց այդ մարդիկ մեծամասնութիւն չեն», — ասաց Սիմոն Սիմոնեանը։

Նա վստահօրէն ընդգծեց՝ մեր հասարակութիւնում կաձ լուրջ, հասկացող, մտածող խաւ, և այդ խաւից է կախուած մեր երկրի ապագան։

«Յոյս ունենք, որ այդ խաւը կը կարողանայ գերիշխել ընտրութիւններին՝ իր քուէով, որպէսզի կարողանանք այս իրավիճակը փոխել։ Արժանապատուութիւնն ամենակարևորն է։ Այս վարչախումբը, այս ռեժիմը ոտնատակ է արել մեր արժանապատուութիւնը։ Այդ խաւը կը պաշտպանի արդարութիւնը, ճշմարտութիւնը և արժանապատուութիւնը», — եզրափակեց Սիմոն Սիմոնեանը։

Հարցազրոյցի մանրամասները՝ տեսանիւթում։

Հասմիկ Բալեեան 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica