close
Եղանակը Երևանում
18 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
18 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Իշխանական ռեսուրսներն ամենակոպիտ եւ գռեհիկ ձեւով օգտագործվելու են. հոգեբան Նալչաջյանը՝ արտահերթ ընտրությունների մասին

Քաղաքական

7 Մայիսի 2021, 17:39
 ՏԵՍԱՆՅՈՒԹ․ Իշխանական ռեսուրսներն ամենակոպիտ եւ գռեհիկ ձեւով օգտագործվելու են. հոգեբան Նալչաջյանը՝ արտահերթ ընտրությունների մասին

Վտանգավոր եմ համարում այս իրադրության մեջ ընտրությունների գնալը, իշխանական ռեսուրսներն ամենակոպիտ եւ գռեհիկ ձեւով օգտագործվելու են. Yerkir.am-ի հաղորդմամբ՝ մամուլի ասուլիսում կարծիք հայտնեց հոգեբան Կարինե Նալչաջյանը՝ շեշտելով, որ չկա բարոյական սահման ու պատնեշ այսօրվա իշխանությունների համար:

«Վտանգները շատ են: Հաստատ այս ընտրությունները, վատ իմաստով, տարբերվելու են նախորդ ընտրություններից, որոնք էլի փայլուն չեն եղել։ Բոլոր դեպքերում, եթե ընտրությունները լինելու են, պետք է այդտեղ մտնեն նաեւ պարկեշտ, հայրենիքը սիրող, հայրենիքի փրկության հետո նաեւ զարգացման մասին մտածող մարդիկ»,- ասաց հոգեբանը:

Բանախոսը շեշտեց՝ բոլորս պատասխանատվություն ունենք, երկիրը բոլորինն է, հետեւաբար՝ ժողովուրդը պետք է կողմնորոշվի, մարդիկ հասկանում են՝ ինչ-որ մի բան ճիշտ հունով չի գնում: «Մեր այն հայրենակիցները, որոնք ծուղակի, ներքին խուճապի մեջ են, չեն կողմնորոշվում, նրանց կողմնորոշել եւ արթնացնել է պետք: Ընտրությունների ելքը միշտ կախված է լինում չկողմնորոշված մարդկանցից: Համակրանք են շահում այն ուժերը, որոնք կարողանում են ճիշտ աշխատել այս մարդկանց հետ: Ժողովրդի մի հատված կա, որն իսկապես անորոշության մեջ է: Փաշինյանի ջատագովներ գրեթե չեմ հանդիպում: Բայց շատ են նրանք, ովքեր միջանկյալ դիրք են գրավել: Ոգեւորված մարդկանց բազմությունից՝ մի ճնշող մեծամասնություն եկել է միջանկյալ դիրքի»,- նշեց Նալչաջյանը:

Այն ուժերը, որոնք այս իշխանությունների ձեռքով աշխատում են մեր երկիրը կործանելու ուղղությամբ, ըստ հոգեբանի, շտապեցնում են. «Մեզ հետեւում են, ուսումնասիրում: Այսօր ընդդիմադիր ուժերի գործը բավականին բարդ է, պետք է ամեն ինչ փորձենք, որպեսզի ժողովրդին կարողանանք հանել թմբիրից»:

Խոսելով արտահերթ ընտրությունների մասին՝ հոգեբանն ասաց, որ, ընդհանուր առմամբ, դրական է գնահատում, որ այս իրավիճակում առաջանում են առողջացման կենտրոններ, կետեր՝ ի դեմս դաշինքների։ «Մենք հիմա այնպիսի ժամանակներ ենք ապրում, որ պետք է հասկանանք՝ իշխանությունը վայելք չէ: Այն մարդիկ, որոնք ուզում են մտնել քաղաքականության մեջ, պետք է մի կողմ դնեն անձնական ամբիցիաները»,- շեշտեց Կարինե Նալչաջյանը։

Մանրամասները դիտեք տեսանյութում։

Դեպի ուժեղ Հայաստան
17 Հունիսի 2021, 21:10 Դեպի ուժեղ Հայաստան
Տղա եք՝ փրկվեք, ի՞նչ ասեմ
17 Հունիսի 2021, 17:04 Տղա եք՝ փրկվեք, ի՞նչ ասեմ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica