close
Եղանակը Երևանում
21 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
21 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ոսկեթասի Սուրբ Սահանդուխտ մատուռը

Հասարակություն

6 Մայիսի 2021, 23:08
 Ոսկեթասի Սուրբ Սահանդուխտ մատուռը

Ոսկեթաս գյուղում Լեռնիկ (անձնագրով Գառնիկ) Հակոբյանի տան հարակից տարածքում գտնվում է Սուրբ Սահանդուխտ մատուռը:

Ըստ ավանդույթի՝ սուրբ Սահանդուխտը եղել է յոթ եղբայրների քույր, անապական մաքրությամբ մի աղջիկ:

Հակոբյանների ընտանիքը Ոսկեթասում հաստատվել է 1910-ական թթ. վերջերին: Ընտանիքի անդամները հավատքի ուժով զգացել են իրենց տան տարածքում սրբավայրի առկայությունը: Այդ տարիներին գյուղում ընտանիքի գոյության միակ միջոցը եղել է միակ կովը: Գառնիկ Հակոբյանի քույրը երազ է տեսնում, որտեղ հրեշտակն ասում է՝ պետք է մատաղ անել ընտանիքի ապրուստի միակ միջոցը՝ սրբավայրի իրական տեղը բացահայտելու համար: Սկզբում ընտանիքի մեծ մայրը այդ ամենին լուրջ նշանակություն չի տալիս, բայց երբ երազը կրկնվում է, ընտանիքը գնացում է այդ քայլին: Ընտանիքը Մաստարա գյուղից Ավետարանը կարդալ կարողացող Ալլա անունով մի կնոջ է բերում իր տուն, և կինը հիշյալ Ավետարանի օգնությամբ գտնում է սրբավայրի իրական տեղը: Պարզվում է՝ այն հենց անասնագոմի տարածքում է:

Ընտանիքը քանդում է իր գոմը սկսում փորել հողատարածքը, որպեսզի գտնի սրբազան մասունքը: Առաջին փորձը ապարդյուն է անցնում, երկրոդ փորձից գտնվում է մի քար, որի վրա փորագրված է լինում «Ս» տառը՝ Սուրբ Սահանդուխտի անվան սկզբնատառը: Հենց այդ տարածքում կառուցվում է սուրբ Սահանդուխտ մատուռը, որը ժամանակի ընթացքում դեռնում է եկեղեցի չունեցող Ոսկեթասի գլխավոր սրբավայրերից մեկը:

Հիշյալ քարը մինչ այսօր գտնվում է մատուռի ներսում:

Ըստ Լեռնիկ Հակոբյանի՝ իր ընտանիքի անդամները բազմաթիվ փորձություններից բարեհաջող դուրս են եկել հենց Սուրբ Սահանդուխտի մեծ զորության շնորհիվ: Դրանցից մեկը չափազանց ծանր ավտովթար է եղել , նաև՝ Լեռնիկ Հակոբյանի թոռը մասնակցել է Արցախյան վերջին պատերազմին, որից վերադարձել է ողջ և առողջ:

Լեռնիկ Հակոբյանի կնոջ` Սվետայի հավաստմամբ ինքը տարվա ընթացքում մի քանի անգամ երազում տեսնում է սուրբ Սահանդուխտի յոթ եղբայրներից մեկին կամ մի քանիսին, ինչից հետո սովորաբար ընտանիքը կամ հաջողություններ է ունենում, կամ մեծ փորձություններից հաջողությամբ դուրս է գալիս:

 

Մհեր Համբարձումյան

ՀՀ Արագածոտնի մարզի Վարդենիսի Զալիբեկ Հակոբյանի անվան միջնակարգ դպրոցի հասարակագիտության ուսուցիչ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica