close
Եղանակը Երևանում
9 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
9 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԵՄ-ն Անկարայում տեղի ունեցած սկանդալի պատճառով նախատեսում է փոխել դիվանագիտական արձանագրությունը

Աշխարհ

20 Ապրիլի 2021, 17:02
 ԵՄ-ն Անկարայում տեղի ունեցած սկանդալի պատճառով նախատեսում է փոխել դիվանագիտական արձանագրությունը

«Սոֆա–գեյթ»–ը, որը տեղի է ունեցել Թուրքիայի նախագահ Ռեջեփ Թայիփ Էրդողանի և ԵՄ խորհրդի նախագահ Շառլ Միշելի ու Եվրահանձնաժողովի նախագահ Ուրսուլա ֆոն դեր Լայենի հանդիպման ընթացքում, կարող է փոփոխություններ մտցնել 64 տարի առաջ ընդունված՝ ԵՄ դիվանագիտական արձանագրության մեջ: Այդ մասին հայտնում է թուրքական Sabah լրատվական գործակալությունը:

ԵՄ-ում ապրիլի 15-ին սուր քննադատության է ենթարկվել այն փաստը, որ Եվրահանձնաժողովի նախագահ Ուրսուլա ֆոն Դեր Լայենը բազմոցի վրա տեղ չէր ստացել Միշելի և Էրդողանի բանակցությունների ընթացքում:

ԵՄ-ում առաջին անգամ որոշում է կայացվել «modus vivendi»-ի (միջանկյալ համաձայնագիր) վերաբերյալ: Ըստ այդմ՝ ԵՄ դիվանագիտական արձանագրությունը կփոխվի, և այլևս նման խնդիրներից խուսափելու համար ԵՄ խորհրդի նախագահը և Եվրահանձնաժողովի նախագահը հետևելու են դիվանագիտական արձանագրության նույն կանոններին:

Եվրահանձնաժողովն արդեն ներկայացրել է ԵՄ Խորհրդին նոր արձանագրության իր առաջարկները: Բայց այն չի ընդունվել՝ հիմնավորմամբ, որ հանձնաժողովի առաջարկները պարունակում են որոշ տարրեր, որոնք չեն համապատասխանում ԵՄ խորհրդին: Այժմ Խորհրդի և Հանձնաժողովի միջև կքննարկվեն դիվանագիտական արձանագրության նոր հինգ կետեր: Այս հարցը նույնպես կքննարկվի Եվրախորհրդարանում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica