close
Եղանակը Երևանում
11 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
11 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իսրայելն ու Հունաստանը կնքել են հարաբերությունների պատմության մեջ ամենամեծ պաշտպանական պայմանագիրը

Աշխարհ

19 Ապրիլի 2021, 15:35
 Իսրայելն ու Հունաստանը կնքել են հարաբերությունների պատմության մեջ ամենամեծ պաշտպանական պայմանագիրը

Իսրայելի և Հունաստանի պաշտպանության նախարարությունները 1.65 միլիարդ դոլար արժողությամբ պայմանագիր են ստորագրել Հունաստանի ռազմաօդային ուժերի օդաչուների թռիչքային ուսումնական կենտրոնի կառուցման և շահագործման մասին, որը ամենամեծն է երկկողմ հարաբերությունների պատմության մեջ: Այս մասին կիրակի հաղորդել է Իսրայելի պաշտպանության նախարարության մամուլի ծառայությունը:

«Իսրայելի և Հունաստանի պաշտպանության նախարարությունները 5.5 միլիարդ շեկել արժողությամբ պայմանագիր են կնքել 22 տարի ժամկետով իսրայելական Elbit Systems ընկերության կողմից Հունաստանի ռազմաօդային ուժերի օդաչուների թռիչքների պատրաստման միջազգային կենտրոնի ստեղծման և շահագործման համար»,- ասվում է հաղորդագրության մեջ:

Սա, ըստ Իսրայելի պաշտպանության նախարարության, Իսրայելի և Հունաստանի միջև մինչ օրս կնքված ամենամեծ պաշտպանական պայմանագիրն է, որի շրջանակներում կստեղծվի միջազգային թռիչքային ուսումնական կենտրոն, որը համալրված կլինի իտալական արտադրության M-346 տասը մարզական ինքնաթիռներով: Հունաստանի ռազմաօդային ուժերի T-6 ինքնաթիռները նույնպես կարդիականացվեցին։ Elbit Systems-ը «կտրամադրի նաև ուսուցում, սիմուլյացիա և նյութատեխնիկական ապահովում»:

Իսրայելի պաշտպանության նախարար Բենի Գանցը, մեկնաբանելով գործարքի կնքումը, ասել է, որ այն «կամրապնդի երկու երկրների գործընկերությունն ու համագործակցությունը պաշտպանական, տնտեսական և քաղաքական մակարդակներում»: «Համոզված եմ, որ դա նաև ծառայելու է Իսրայելի և Հունաստանի տնտեսությունների ամրապնդմանը»,- հավելել է նա։

Դէպի ուժեղ Հայաստան
11 Մայիսի 2021, 12:24 Դէպի ուժեղ Հայաստան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica