close
Եղանակը Երևանում
8 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
8 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Հայաստան» հիմնադրամը ներկայացրել է պրոթեզավորում ստացած հայրենիքի պաշտպան Արամ Արզումանյանի պատմությունը

Հասարակություն

16 Ապրիլի 2021, 18:11
 «Հայաստան» հիմնադրամը ներկայացրել է պրոթեզավորում ստացած հայրենիքի պաշտպան Արամ Արզումանյանի պատմությունը

Հայրենիքի պաշտպանի վերականգնողական կենտրոնում գործող պրոթեզավորման գերժամանակակից լաբորատորիայում, որը հիմնվել է «Հայաստան» համահայկական հիմնադրամի, ԵՊԲՀ, «Աջակցություն վիրավոր զինվորներին և զինվորական հաշմանդամներին» բարեգործական ՀԿ-ի ջանքերով, շարունակվում է ստորին վերջույթների ամպուտացիաներ ունեցող զինվորների պրոթեզավորման գործընթացը: Այս մասին հաղորդագրություն է տարածել «Հայաստան» համահայկական հիմնադրամը:

Վերջին պատերազմի հետևանքով վերջույթներ կորցրած տղաների համար պրոթեզները պատրաստվում են հոլանդացի պրոթեզաբան Խայս Ֆան Խենթի կողմից: Դրանք անցնում են երկարատև պատրաստման փուլերով, որ ապահովեն այն կրողների հնարավորինս հարմարավետ քայլքը:

Հոլանդացի մասնագետը նաև իր հմտություններն է փոխանցում կենտրոնի երկու ֆիզիոթերապիստներին, որոնք մոտ ապագայում կկիրառեն պրոթեզաբանից ստացած գիտելիքներն ու կօգնեն լիարժեք կյանք վերադառնալ հայրենիքի պաշտպաններին: Ծնկից ներքև ամպուտացիաներով 12 զինծառայող արդեն պրոթեզավորվել ու շարունակում է վերականգնողական բուժումը Զինվորի տանը: Խայս Ֆան Խենթը զննում ու խորհուրդներ է տալիս արդեն պրոթեզավորման բարդ փուլով անցած բոլոր շահառուներին:

Տասնիննամյա Արամ Արզումանյանն ութ վիրահատություն է տարել, որից հետո անցել երկու ոտքերի պրոթեզավորման գործընթացը: «Պրոթեզներով քայլելու գործընթացն ավելի դժվար էի պատկերացնում, բայց բավականին հեշտ ստացվեց: Առաջին պրոթեզը հարմար չէր, այլ պրոթեզ տրամադրեցին: Հիմա փորձում ենք հասկանալ՝ որն է ինձ հարմար, որ դրանցով քայլեմ: Այստեղ վերաբերվում են որպես ընտանիքի անդամի»,-ասաց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica