close
Եղանակը Երևանում
19 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
19 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մենք չպետք է թույլ տանք կեղծ խաղաղասիրական ծրագրերով մեզ թմրեցնել. Դա հենց Ադրբեջանի ուզածն է. Արման Թաթոյան

Հասարակություն

13 Ապրիլի 2021, 19:48
 Մենք չպետք է թույլ տանք կեղծ խաղաղասիրական ծրագրերով մեզ թմրեցնել. Դա հենց Ադրբեջանի ուզածն է. Արման Թաթոյան

Բաքվի այդ «ցուցահանդես-պուրակն» ամբողջությամբ պետական հովանավորչությամբ ատելության եւ թշնամանքի քարոզի վառ դրսեւորում է: Այս մասին լրագրողների հետ զրույցում հայտարարել է ՀՀ մարդու իրավունքների պաշտպան Արման Թաթոյանը:

Նրա խոսքով, դա արված է հատուկ նպտակով՝ նսեմացնելու համար զոհվածների հիշատակը, եւ կոպիտ անարգանք է նրանց հիշատակի առջեւ. «Բացի այդ, դա արված է արժանապատվությունը նվաստացնող եղանակով: Դա առհասարակ ֆաշիզմի ակնհայտ դրսեւորում է: Մենք նաեւ իրականացրել են մոնիտորինգ Ադրբեջանի նախագահի այսօրվա ելույթը, նաեւ այդ օրվա ելույթը. նրա խոսքերը երբ համադրում ես այդ ցուցահանդեսի հետ, ակնհայտ է, որ սա բացահայտ պետական հովանավորչության ակտ է: Հենց այս պետական մակարդակով թշնամանքի եւ ատելության քաղաքականության արդյունքն էին, որ կատարվեցին պատերազմի ընթացքում:

Սա եւս մեկ անգամ հաստատում է, որ ադրբեջանական կեղծ խաղաղասիրական ծրագրերը մենք չպետք է թույլ տանք, որ մեզ թմրեցնեն: Ադրբեջանական բարձրագույն մակարդակով խրախուսվում է ատելությունը: Ավելին մենք մոնիտորինգ ենք իրականացրել նաեւ սոցիալական ցանցերում, եւ դա ի հայտ է բերել այն հետեւանքները, որ սա ունեցել է ադրբեջանական հասարակությունում՝ գեներացված ատելություն, թշնամանք՝ նոր դրսեւորումներով եւ բացահայտ ցինիզմով պատրաստված մանեկեններ հայ զինվորների պատկերներով:

Դա ոչ թե իրենից ներկայացնում է պարզապես զինծառայողի ցուցադրություն, այլ դա հայատյացության մարմնավորում է, որովհետեւ զինվորները, որ ցուցադրված են, նրանք շղթայված են, տանջված դեմքերով, նվաստացուցիչ պայմաններում:

Դա արված է Բաքվի լայն հասանելի վայրում, նրնք հայտարարել են, որդրնք հասանելի են լինելու էքսկուրսիաների համար, եւ իրենք են տալիս դրան լայն հրապարակայնություն: Սրանից ավելի մեծ պետական ատելության այս պայմաններում հնարավոր չէ»,-ընդգծեց Թաթոյանը:

Նա անդրադարձավ Ադրբեջանի կողմից արվող հայտարարություններին, թե Հայաստանում ֆաշիզմ է, իշխանությունները ֆաշիստական են. «Բայց ՀՀ ոչ մի իշխանություն երբեւէ ադրբեջանական ժողովրդի հասցեին չի խոսել ատելության, թշնամանքի քարոզով: Իսկ իրենց իշխանությունների կողմից ամենաբարձր մակարդակով ֆաշիզմի քարոզ է գնում: Ակնհայտ է, որ սա միջազգային հանրության ուշադրության կենտրոնում պետք է լինի, որովհետեւ սա խրախճանքի առիթ է դառնում ատելության քարոզը զարգացնելու համար:

Մենք միջազգային հանրությանը պետք է ճիշտը ներկայացնենք եւ երբեք չպետք է թողնենք, որ անարդարացիորեն մեզ վրա ընկնի ամբողջ պատասխանատվությունը

Մենք մեր հայտարարության մեջ դրել ենք բոլոր թիրախները, որոնք Ադրբեջանն օգտագործելով աշխարհին ասում է՝ ամեն ինչ վերջացած է, իրենք իբր խաղաղասիրություն են քարոզում, հայերը դա չեն ուզում: Մենք չպետք է թույլ տանք, որ Ադրբեջանը ձեւավորի կարծրատիպ, որ իբր իրենք խաղաղասիրական պետություն են, իսկ Հայաստանի քաղաքացիները թշնամական են տրամադրված:

Ցինիզմով այս վերաբերմունքը մարդու իրավունքների նկատմամբ պատճառ է դարձել, որ Ադրբեջանի բանակի զինծառայողները անմարդակային դաժնությամբ խոշտանգեն հայկական կոզմի զինծռայողներին, քաղաքացիական անձանց: Նրանք հանդես էին գալիս բաց դեմքերով, վստահ լինելով, որ խրախուսվելու են: Ալիեւը հպարտությամբ ասում է, որ թշնամու նկատմամբ ատելությամբ լցված սերունդ ենք դաստիարակել: Երկրի ղեկավարը էթնիկ եւ կրոնական հիմքով խորքային ատելություն է սերմանում մտադրված: Բացի այդ, գովասանքի է արժանացնում հայասպանությունը»:

Արման Թաթոյանի խոսքով, իր փորձը ցույց է տալիս, որ երբ Ադրբեջանում կեղծ խաղաղասիրական ծրագրեր են նախաձեռնվել, դրան զուգահեռ եղել են արյունահեղություններ, խոշտանգումներ, արյունահեղություններ. «Մենք չպետք է թույլ տանք, որ կեղծ խաղաղասիրական ծրագրերով մեզ թմրեցնել: Ադրբեջանի իշխանություններին հենց դա էլ պետք է»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica