close
Եղանակը Երևանում
12 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
12 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Տպավորություններով «հարցում» են անցկացնում․ «Փաստ»

Մամուլի տեսություն

10 Ապրիլի 2021, 09:33
 Տպավորություններով «հարցում» են անցկացնում․ «Փաստ»

«Փաստ» օրաթերթը գրում է․ «Այս օրերին տարբեր մարզերից տեղեկություններ ենք ստանում, որ մարզային իշխանությունները ակտիվորեն զբաղված են տրամադրությունների ուսումնասիրմամբ: Հաշվի առնելով, որ միանման տեղեկություն ստացել ենք 4 մարզից, ամենայն հավանականությամբ, բոլորին նույն հանձնարարականն է իջեցվել «վերևից»: Սակայն, ինչպես երևում է, այդ աշխատանքը համակարգված չէ, պարզապես ով ինչպես կարողանում, անում է: Հիմնականում մարզպետները կամ նրանց անունից՝ մարզպետարանի այլ պաշտոնյաներ զանգահարում են տարբեր կազմակերպությունների ղեկավարներին, խնդրում իրենց տեղեկություններ տրամադրել հանրային տրամադրությունների մասին: Ավելի ստույգ՝ հարցերը մոտավորապես այսպես են հնչում՝ «մարդիկ ինչպե՞ս են վերաբերվում իշխանությանն ու Նիկոլ Փաշինյանին», «ո՞ր ուժն առավել մեծ համակրանք ունի»:

Մեր ունեցած տեղեկություններով, շատերը հրաժարվում են որևէ տեղեկություն տալ՝ ասելով, որ մակերեսային դատողություններ անել չեն կարող, դրա համար լուրջ հարցում է անհրաժեշտ: Իսկ նրանք, որոնք «տվյալ» են տալիս կամ պարտավորվել են տալ, հիմնվում են բացառապես իրենց տպավորությունների վրա: Ուշագրավ է, որ մի քանի մարզերից ստացված տեղեկություններում հատկապես նույնական է ժամկետը. բոլորին խնդրել են իրենց ուսումնասիրությունները մարզպետարան ներկայացնել մինչև եկող շաբաթվա կեսերը: Թե ինչու հենց այդ ժամկետում, ճշտել չհաջողվեց: Սակայն կարծիք կա, որ դա կապված է Նիկոլ Փաշինյանի՝ հրաժարական տալ կամ չտալու առումով վերջնական որոշում կայացնելու հետ»:

Մանրամասները՝ «Փաստ» օրաթերթի այսօրվա համարում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica