close
Եղանակը Երևանում
20 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
20 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիան Իսրայելից չի խնդրել փոխադարձաբար դեսպաններ ուղարկելու համաձայնություն. Իսրայելի ԱԳՆ

Տարածաշրջան

1 Ապրիլի 2021, 16:28
 Թուրքիան Իսրայելից չի խնդրել փոխադարձաբար դեսպաններ ուղարկելու համաձայնություն. Իսրայելի ԱԳՆ

Թուրքիան Իսրայելից չի խնդրել փոխադարձաբար դեսպաններ ուղարկվելու համաձայնություն. հայտնում է Jerusalem Post-ը՝ վկայակոչելով Իսրայելի ԱԳՆ ներկայացուցչի:

Անանուն թուրք բարձրաստիճան պաշտոնյան Israel Hayom-ին ասել էր, որ Թուրքիան այս շաբաթ Իսրայելին հայտնել է, որ պատրաստ է դեսպան ուղարկել Թել Ավիվ, եթե Իսրայելը նույնն անի: Սակայն արտաքին գործերի նախարարությունը հայտնել է, որ այդ կապակցությամբ խնդրանք չի ստացել Թուրքիայի որևէ պաշտոնատար անձից:

Մարտի սկզբին վարչապետ Բինյամին Նեթանյահուն հայտարարել էր, որ Իսրայելը «բանակցություններ է վարում Թուրքիայի հետ» Միջերկրական ծովում բնական գազի հարցի շուրջ, որը Հունաստանի և Կիպրոսի հետ վիճաբանության թեմա է, որոնց հետ համագործակցում է Իսրայելը:

Հիշեցնենք, որ Թուրքիայի և Իսրայելի միջև հարաբերությունները սկսել են վատթարանալ 2010 թ.–ից՝ կապված «Մավի Մարմարա» նավի միջադեպի հետ, երբ Իսրայելի ծովային սահմաններին մոտեցած թուրքական նավը գնդակոծվել էր իսրայելցի զինվորների կողմից՝ տասնյակ զոհերի և վիրավորների պատճառ դառնալով. դրանից հետո երկու երկրների դիվանագիտական հարաբերությունները փչացան, իսկ դեսպանները հետ կանչվեցին։

2013 թ. Իսրայելի վարչապետ Բինյամին Նեթանյահուն զանգահարել էր Էրդողանին և ներողություն խնդրել միջադեպի համար։ 2016 թ. երկու երկրները համաձայնության եկան 6-ամյա դիվանագիտական դադարը վերացնելու վերաբերյալ։

Սակայն 2018 թ. մայիսին ԱՄՆ նախագահ Դոնալդ Թրամփի կողմից Երուսաղեմը Իսրայելի մայրաքաղաք ճանաչելուց հետո երկու երկրները դարձյալ խզեցին հարաբերությունները։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica