close
Եղանակը Երևանում
14 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
14 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ի՞նչ ունենք այսօր, որ չունեինք նոյեմբերի 9-ին. Ռոբերտ Մարգարյան

Քաղաքական

7 Մարտի 2021, 11:52
 Ի՞նչ ունենք այսօր, որ չունեինք նոյեմբերի 9-ին. Ռոբերտ Մարգարյան

Քաղաքագետ-իրավաբան Ռոբերտ Մարգարյանը գրում է.

«Մեղավո՞ր է Հայրենիքի փրկության շարժումը...
 
Ի՞նչ ունենք այսօր, որ չունեինք նոյեմբերի 9-ին:
 
Հրաժարականների պահանջի շարան, սկսած ներկա ու նախկին նախագահներով, վարչապետերով ու կաթողիկոսներով, վերջացրած մինչև երեկ նիկոլին սատարող մշակույթի գործիչներով ու համալսարանների դասախոսներով:
 
Հող հանձնած դավաճանի հրաժարականը պահանջող Զինված ուժերի ԳՇ ու գեներալներ:
 
Մեկ տարի առաջ փողոցում հեծանիվ քշող ու մետրոյում բուկլետ բաժանող, իսկ այսօր իր ստվերից վախեցող, երեք շերտ ոստիկաններով ու թիկնապահնրերով շրջող ստահակ մի ստախոս:
 
Իրենց տան բակերում, որպես դավաճաններ խայտառակ եղած ու փողոցում իրենց ճամփան փակող պահանջատեր քաղաքացիների ու լրագրողների հարցումներին չդիմացող պատգամավորներ:
 
Բուհերից ներս ու կառավարության մասնաշենքերում «նիկոլ դավաճան» գոչող երիտասարդներ:
 
Սփյուռքում մերժված ու օդանավակայաններից գլխիկոր փախչող իշխանավորներ:
 
Խիստ անարդար կլինի անտեսել այս ուղղությամբ Հայրենիքի փրկության շարժման դերակատարությունն ու հավատալ, որ այս ամենը կատարվել է հենց այնպես պատահաբար:
 
Բավարար է կատարվածը: Անշուշտ ո՛չ: Կարելի էր ու կարելի է ավելին անել: Անկասկած ա՛յո:
 
Դավաճան վիժվածքը շարունակո՞ւմ է թառած մնալ իր գահին: Ա՛յո: Մեղավո՞ր է Հայրենիքի փրկության շարժումը: Գուցե ա՛յո, բայց նույնքան, որքան մեղավոր է հայրենիքը թողած, «հնի ու նորի» էժան խաղով տարված անտարբեր քաղաքացին, կուլիսներում խաղեր տվող խորհրդարանական ընդդիմությունը և ինչու չէ նաև, հրապարակից բացակայող, բայց հրապարակում ներկա միակ ռեալ շարժմանն անգործության մեջ քննադատողը:
 
Վերջին գրառման մեջ նշել էի, որ պայքարը ներկա ձևաչափով շարունակվելու և արդյունքի չհանգելու դեպքում դա անխուսափելիորեն փոխարինվելու է մեկ ուրիշով, որը բնականաբար չի լինելու նույնքան համբերատար: Շարունակում եմ մնալ նույն կարծիքին, բայց մինչև այն պահը երբ չկա հուսալի այլընտրանք, ամեն գնով պիտի սատարել Հայրենիքի փրկության շարժմանը:
 
Իշխանության ջրաղացը ջուր լցնողներ շատ կան: Ընդդիմության շարքերը պառակտող քննադատությամբ ու կատարվածն անտեսելով նրանց շարքերը չընդլայնենք....»:
 
 
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica