close
Եղանակը Երևանում
10 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
10 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վաշինգտոնը հորդորում է Երեւանին ու, առհասարակ, այս հարցին առնչվող բոլոր կողմերին` անհապաղ հստակություն մտցնել Իրանում հայտնված Boeing 737 ինքնաթիռի հարցում

Հասարակություն

27 Փետրվարի 2021, 12:12
 Վաշինգտոնը հորդորում է Երեւանին ու, առհասարակ, այս հարցին առնչվող բոլոր կողմերին` անհապաղ հստակություն մտցնել Իրանում հայտնված Boeing 737 ինքնաթիռի հարցում

Վաշինգտոնը հորդորում է Երեւանին ու, առհասարակ, այս հարցին առնչվող բոլոր կողմերին` անհապաղ հստակություն մտցնել Իրանում հյտնված Boeing 737 ինքնաթիռի հարցում: «Ամերիկայի ձայն»-ի հարցմանն ի պատասխան` Հայաստանում ԱՄՆ դեսպանությունը նշել է` ամերիկյան կառավարությունը տեղյակ է այն պնդումներին, որ հայկական ընկերության անունով գրանցված ինքնաթիռը շեղվել է դեպի Իրան:

Դեսպանությունը նաեւ հիշեցրել է, որ Միացյալ Նահանգների օրենսդրությամբ արգելվում է ամերիկյան արտադրության ինքնաթիռների ու ավիացիոն պահեստամասերի փոխանցումը կամ այլ կերպ դրանց տրամադրումը Իրանին: Իսկ նմանօրինակ գործողություններում ներգրավված կառույցները կարող են հայտնվել ամերիկյան պատժամիջոցների տիրույթում:

Հիշեցնենք, որ օրեր առաջ մամուլում հայտնվեց տեղեկություն, ըստ որի՝ Հայաստանում գրանցված ամերիկյան արտադրության Boeing 737 ինքնաթիռը չպարզված հանգամանքներում հայտնվել է Իրանում: Կասկածներ են հնչել, որ այն առեւանգվել է: Սակայն Քաղաքացիական ավիացիայի կոմիտեից հայտնել են, որ օդանավի առեւանգման վերաբերյալ տեղեկություն չեն ստացել, «Boeing 737»-ի գտնվելու վայրն իրենց հայտնի է ու աշխատում են խնդրին առնչվող երկրների ավիացիոն մարմինների հետ: Կոմիտեում քննություն է սկսվել, որի ավարտից հետո մանրամասները կհայտնեն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica